[ai r]

|¹ L’art et disposition de bien mourir.

[aij r] |² Contre remonstrance par figure est l’exposition par escripture de chose vraye. |³ Et necessaire est cest mirouer vray et examplaire. |⁴ Entendéz  y a bon desir pour bien vivre et bien mourir.

|⁵ Ja soit ce que, selon le Philosophe ou tiers livre d’Ethiques, |⁶ « de toutes choses terribles la mort du corps est la plus terrible et hydeuse », toutesfois de la mort de l’ame n’est a comparer, |⁷ tesmoignant saint Augustin, qui dist : |⁸  « Plus grande est la perdition d’une ame que de mille corps. » |⁹ Tesmoingz aussi saint Bernard, qui dist : |¹⁰  « Tout ce monde cy n’est a extimer a la valeur d’une ame. »

|¹¹ Pour quoy la mort de l’ame est tant plus horrible et plus detestable de tant que l’ame est plus noble et plus precieuse que le corps. |¹² Comme doncques l’ame est si precieuse et le dyable, pour la mort eternelle d’icelle, l’omme en sa derniere enfermeté infeste et travaille de tres grans temptations, |¹³ pour ce est tres necessaire que l’omme se pourvoye qu’il ne se perde en icelle mort. |¹⁴ A quoy est expedient que chescun saiche l’art et la disposition de bien mourir, dont parle ceste escripture et poincture, |¹⁵ et qu’on le frequente et pregne devant ses yeulx et y pense souvant en sa derniere enfermecté et trespassement, de tres soigneux couraige, |¹⁶ car, comme dist saint Gregoire : |¹⁷  « Moult se hante et sollicite a bonne œuvre qui tousjours pense et songe de son derrier diffiniment », |¹⁸ car, si le mal ad venir est preconsideré, que plus facillement le peult on tollerer et soustenir. |¹⁹ Comme dist le Saige : |²⁰  « Les futurs maulx ad venir sont par avant plus legiers a souffrir. » |²¹ Mais tres peu souvent aucuns s’aprestent ou dispousent a la mort asséz a temps et de heure |²² pourtant que chescun cuide tousjours plus longuement vivre et qu’il ne croyt aulcunement qu’il doibve si tost mourir. |²³ Lequel, comme tout certain est, se fait par l’instruit du diable, |²⁴ car plusieurs, par tel vain espoir, se sont eux mesmes negligiéz et meurent tout despourveüs et indispouséz. |²⁵ Et pourtant ne doit aulcunement estre donné au malade trop d’espoir de sa corporelle santé recouvrer, |²⁶ car, selon le bon Chancellier de Paris, |²⁷  « Bien souvent par telle faulse consolation et faincte de santé fait on l’omme entrer en certaine dampnation. »

|²⁸ Pourtant, devant toutes choses, soit induis et  attraict le ma[aij v]lade au choses que de necessité sont requises a son saulvement crestien. |²⁹ Premierement, |³⁰ que croire comme bon crestien doit croire et qu’il soit liéz qu’il croye la foy de Jhesucrist et vraye obedience de saincte Eglise. |³¹ Secondement, |³² qu’il se recongnoisse griefvement avoir affensé a Dieu. |³³ Tiercement, |³⁴ qu’il se pourpouse veritablement amender sa vie et de jamais plus pechier ou negligier. |³⁵ Quartement, |³⁶ qu’il pardonne a ses ennemis capitéz et offenceurs, pour Dieu, et qu’il demande pardon a ceulx qu’il a offencé. |³⁷ Quintement, |³⁸ qu’il rende et restitue ce qu’il a mauvaisement detrait de l’autruy. |³⁹ Sextement, |⁴⁰ qu’il congnoisse Nostre Seigneur Jhesucrist pour luy avoir souffert la mort |⁴¹ Et que aultrement ne peult estre saulvéz fors que par la vertu et merite de la saincte passion Jhesucrist Nostre Saulveur, |⁴² de quoy il rende graces a Dieu de tant qu’il pourra. |⁴³ Ausquelx paroles s’il respond de bon cuer, |⁴⁴ c’est signe qu’il est du nombre de ceulx qui seront saulvéz.

|⁴⁵ Depuis soit soingneusement induis aux droitz usaiges de medicineus sacremens de saincte Mere Eglise. |⁴⁶ Premier, que par vraye contrition et douleur face entiere confession, |⁴⁷ les autres sacremens de saincte Esglise recepvant devotement. |⁴⁸ Et sil que de ces dictes choses ne sera par aultruy interroguéz et informéz, il s’en interrogue luy mesmes, considerant s’il est dispousiéz comme dist est. |⁴⁹ Qui vrayement ainsi est dispousé, il se quicte du tout a la dicte passion Nostre Seigneur, |⁵⁰ continuellement se peurpensant et meditant, |⁵¹ car par elle toutes les temptations du dyable et en vraye foy mesmement sont separéz et vaincus. |⁵² Dont est a noter que les mourans ont plus des temptations qu’il eurent oncques par avant. |⁵³ Et si ont .v., comme aprés appayra, contre lesqueulx le bon ange leur suggecte et inspire bonnes, remediables et consolatoires inspirations, |⁵⁴ mais, affin que a tous ceste matiere soit fructueuse et prouffitable et que nulz ne soit fourcleu de la speculation d’icelle, |⁵⁵ ains que en apprengne salutairement a mourir, tant en lettres clerc desservant comme par les ymaiges au lay et clerc ensemble prouffitans |⁵⁶ et, pour ce, monstre devant les yeulx de chescun. |⁵⁷ Lesqueulx deux, per relative correspond[aiij r]dance se monstrent comme mireeur en quo les choses preterites, futures comme presentes se presentent et peut on speculer et garder. |⁵⁸ Qui doncques veult bien mourir considere ses choses avec les subsequentes bien et diligemment.

¹ Note : La page ai v est intégralement occupée par un illustration.
³ Leçon non conservée : vraye examplaire
⁶ Note : Aristote, Éthique à Nicomaque, III, 7
⁸ Note : Augustin, De civitate Dei contra paganos, VIII
⁹ Note : Bernard de Clairvaux, Meditationies devotissimae, III (De dignitate animae).
¹¹ Leçon non conservée : est qe tant
¹⁴ Leçon non conservée : poincture
¹⁵ Leçon non conservée : devant sex yeulx
¹⁷ Note : Grégoire I^er, Moralia in Job.
¹⁸ Leçon non conservée : car sil mal ; preconsiderer
¹⁹ Leçon non conservée : legiers sont a
²⁰ Note : Roger Bacon, Secretum secretorum, 22, 8
²⁴ Leçon non conservée : indespourveus
²⁵ Leçon non conservée : doit on aulcunement
²⁶ Leçon non conservée : on mq.
²⁷ Note : Jean Gerson, Opera Omnia, I, 449.
³⁴ Leçon non conservée : Dans pourpouse, on trouve a l’initiale p9 suivi de deux caractères non déchiffrés
⁴³ Leçon non conservée : cuer c’est mq. ; ceulx quil seront
⁵¹ Leçon non conservée : elle mq.
⁵³ Leçon non conservée : si aulcune comme
⁵⁴ Leçon non conservée : et que (aprés prouffitable) mq.
⁵⁵ Leçon non conservée : tant en clerc lettre
⁵⁷ Leçon non conservée :  mirereur
⁵⁸ Leçon non conservée : considerent