[L'Art de bien mourir en la grace de nostre Createur]

[19v] |¹ Cy aprés s’ensuit ung aultre livre de L’Art de bien mourir en la grace de nostre Createur |² et y a pareillement cinq temptacions et cinq consolations revenant au livre cy devant escript et es histoires |³ et deux aultres histoires, l’un De la presentation de l’ame devant Dieu et l’autre Du jugement de l’ame. |⁴ Et l’a faict ung vaillant docteur a ma requeste.

|⁵Il n’est chose plus certaine que la mort et plus incertaine que l’heure d’icelle, selon que dit sainct Pol, a la quelle « ung chascum sera guerdonné selon ses œuvres » |⁶ et ne sera pas temps alors de soy repentir, |⁷ comme dit sainct Augustin ou livre des Penitences, |⁸ car qui laisse de pecher jusques à la mort, il n’en doit avoir nul merite, veu qu’i laisse les pechéz par force et contraincte.

|⁴¹ La premiere temptation de la foy.

|⁴²Selon que dit le Saige, |⁴³ a l’heure de la mort, le cueur a congitation moult forcenee et est en telle douleur comme celle qui enfante, |⁴⁴ car c’est l’office de l’ennemy de nous mal conseiller, |⁴⁵ comme dict sainct Bernard. |⁴⁶ Pourtant fait il comme le corbel, qui premierement mangeue l’œil de l’homme affin qu’i ne le voye venir devers luy. |⁴⁷ Et ainsi il oste a l’homme l’œil de la foy, qui est le fondement de salvation, en luy mectant au devant que son ame est corruptible et mortelle, |⁴⁸ comme recite le Saige ou second de Sappience, |⁴⁹ et qu’i n’est ne paradis ne enfer, et luy mect au devant les roys et princes payans et grans philozophes, |⁵⁰ qui jamais [v] n’ont adoré Dieu et ont vescu moult puissamment, |⁵¹ comme Alixandre, Salemon et aultres.

|⁹⁵ La seconde tempation nommee desesperation.

|⁹⁶A cause que l’ennemy, estant comme le lion, tousjours serche comment il pourra la creature decepvoir, voiant que de foy il ne la peult decepvoir, |⁹⁷ il se parforce de la mectre en desesperation, laquelle est peché irremissible procedant de maulvaise vie et faulte de foy, |⁹⁸ et luy mect au devant tous les pechéz qu’il a faiz le temps passé et mal exposé sa vie, |⁹⁹ comme dict le Saige, |¹⁰⁰ et convient qu’i rende compte de toutes parolles oyseuses, dont aulcunes fois le faict desesperer |¹⁰¹ comme Caÿn et Judas et plusieurs aultres, lesquelz si sont dampnez, |¹⁰² et en aprés luy monstre les larrecins et oultraiges qu’ila faiz le temps passé, desquelz il n’a faict nulle emande, |¹⁰³ car par ainsi le peché ne luy peult estre pardonné sans restitution, |¹⁰⁴ et luy monstre encores les grans pugnitions que Dieu a faict le temps passé, |¹⁰⁵ comme du deluge, [23v] de Sodome, de Datham et Abyrn, du roy Pharaon, de la seur de Moïse, |¹⁰⁶ lesquelz ont estéz griefvement pugniz pour leurs pechéz, et ne sont point si grans, se luy semble, comme les siens.

|¹³⁸ La tierce temptacion dyabolicque nommee impatience.

|¹³⁹A cause de la trangression de nostre premier pere, nous fumes subjectz es afflictions corporelles et mesmement a la mort, dont il n’est chose plus angoisseuse a icelle heure. |¹⁴⁰ Comme dit sainct Gregoi[25r]re et le prophete : |¹⁴¹ « Nous sommes en griefz dangier, car l’entendement ne se peult applicquer a faire bien mais ymaigine a la douleur qu’i sent. » |¹⁴² La chair se plainct d’une part, voyant qu’il convient qu’elle se departe de l’ame et estre donnee aux vers. |¹⁴³ Sy aymeroit mieulx non jamais estre nee ou estre morte ou ventre de sa mere, |¹⁴⁴ comme dict Job. |¹⁴⁵ Lors l’ennemy lui mect impatience et abhomination de vertuz au devant, |¹⁴⁶ car, ainsi que nous veons que le corps ne prent saveur en quelque chose temporelle, si ne faict l’ame es choses spirituelles.

|¹⁸³ La quart temptation dyabolique, nomee fole presumption et vaine gloire.

|¹⁸⁴L’ennemy de nature humaine veant que par impatience ne peult avoir la creature et mesment d’icelle qui a bien vescu en ce monde et fort resisté contre luy – |¹⁸⁵ comme dit le Psalmiste : « Les tribulations [27r] des justes si sont merveilleuses » – |¹⁸⁶ pourtant il se parforce de la decepvoir comme le scorpion qui premier monstre doulceur et a la fin picque la creature, dont il meurt, |¹⁸⁷ car il mect au devant les biens faictz en ce monde et que l’on fera aprés luy, dont il sera saulvé |¹⁸⁸ veu qu’il est chrestien et aulcunement a gardé les commandemens de Dieu et, si n’a esté si parfaict comme les sainctz, se n’a pas esté sa faulte, |¹⁸⁹ car Dieu ne luy avoit point faict tant de grace de la sanctiffier ou ventre de sa mere |¹⁹⁰ comme sainct Jehan Baptiste et plusieurs aultres, |¹⁹¹ et Dieu ne demande fors le pouvoir de l’homme.

|²³⁶ La quinte temptation, nommee occupation mondaine.

|²³⁷Selon que dit le Saige, |²³⁸ la memoire de la mort est tres amere a la personne injuste et ayant paix avec ses richesses, |²³⁹ dont se plaignoit Boëce, disant |²⁴⁰ que la mort est mauvaise et ne veult recepvoir les meschans estans en douleur mais prent ceulx qu’ilz ont plusieurs richesses, |²⁴¹ dont se parforce l’ennemy a la fin de destruyre la creature en luy mectant au devant les plaisances et richesses de ce monde, |²⁴² qui ne sont fors que espines destourbans et empeschans que l’on ne preigne la fleur de beatitude eternelle, |²⁴³ car en labeur, se gardent en cremeur et faillent en douleur, |²⁴⁴ luy mect au devant ses parens et amys, lesquelz ne demandent fors que les biens : la femme demande son service, les enfans demandent l’heritage. |²⁴⁵ Et ne scet aulquel complaire. |²⁴⁶ Lors il souspire et gemist de douleur, voyant qu’i fault laisser ceulx qu’il a aymés. |²⁴⁷ Dont plusieurs fois [29v] chest en desesperation, |²⁴⁸ car il voit en sa presence que l’on se desrobe et ung chascum se plainct.

|²⁸⁹ L’angoisse de la mort et cytation diabolicque.

|²⁹⁰Selon que dit l’Apostre, a ceulx qui ayment Dieu toutes finissent en bien. |²⁹¹ Ainsi pareillement, des mauvais la fin est dangereuse, |²⁹² comme dit le Psalmiste, |²⁹³ pourtant que, au trespas, a la creature moult griefve douleur, |²⁹⁴ et [31v] premier quant au corps, laquelle pert toute puissance et beaulté et considere que convient pourrir et estre donné au vers. |²⁹⁵ Lors voit l’ame les dyables qui la cytent et sont prestz pour la devorer, |²⁹⁶ comme dit Ezechiel, ou .viie. chappitre, en disant : |²⁹⁷ « Part dehors, mauvaise ame dampnee. |²⁹⁸ Maintenant, il est heure que tu reçoipves les maulx que tu as desservis pour les pechéz que tu as fait. » |²⁹⁹ Helas, c’est griefve douleur, car la Vierge Marie doubtoit de les veoir a l’heure de la mort. |³⁰⁰ Que debvra doncq faire le pecheur qui oncques ne fist bien en sa vie |³⁰¹ quant il pense as griefves offences qu’il a faictes contre son Createur et va en pays estrange ou jamais il ne fut et ou lieu ou il ne veist oncques devant celluy qu’i tant a courroussé, avec ses ennemys qui l’attendent pour devorer de douleur ?

|³¹⁸ Presentation de l’ame devant Dieu.

|³¹⁹Selon la doctrine des docteurs de la foy chrestienne, Dieu, qui est vray juge, en l’autre monde rendra a ung chascum selon ces euvres, |³²⁰ tesmoing sainct Jehan en son Appocalice. |³²¹ Pourtant convient que l’ame soit presentee devant luy pour recevoir selon sa desserte. |³²² Sy vient l’ennemy de nature humaine, accusateur d’icelle, |³²³ lequel selon sainct Augustin, il nous reprochera les maulx que faict avons et biens que lors devions faire en demandant justice de nous. |³²⁴ Accuseront et nostre conscience qui nous poindra, le bon ange que croire ne l’avons voulu. |³²⁵ Lors demandera Nostre Saulveur Jhesus ou est la robe de innocence que a baptesme nous avons donnee, quel service luy avons faict de ce que pour nous a voulu mourir en la croix.

|³³⁹ Le jugement de l’ame.

34r] |³⁴⁰Aprés la presentation et accusation de l’ame reste a donner la sentence, |³⁴¹ car Dieu, qui est tout juste, ne peult juger fors que selon les merites de la creature, |³⁴² come dit le prophete Ysaÿe. |³⁴³ Et, jaçoit ce que nous attendons le grant Jugement si est de juger ung chascum a son trespas selon l’ame et a l’aultre selon le corps et l’ame ensemble. |³⁴⁴ Et est le Jugement merveilleux, |³⁴⁵ car nul n’en peult appeler, veu que Dieu le Pere a donné toute puissance a son filz, |³⁴⁶ car il ne regarde pas la dignité de la creature sinon les euvres. |³⁴⁷ Et l’on ne peult appaiser pour or ne pour argent ny aussy pour pleurer ne gemir, |³⁴⁸ car a icelle heure y ne sera pas temps de demander misericorde, |³⁴⁹ car il ne sera point, |³⁵⁰ comme dit Ezechiel au .vije. chappitre, |³⁵¹ mais dira : « Ta fin est venue.

[36r]

|³⁷⁵ Complaincte du pecheur qui se treuve es latz de la mort et en voie de dampnation.

|³⁷⁶Helas, helas et plus que helas, moy tres meschante creature chetive, qui en angoisse et amertume de corps et d’esperit me treuve seul sans nul secours quelconques |³⁷⁷ et ne sçay creature au monde a qui, veu le grant dangier ou je suis presentement, je puisse ny ose avoir fiance nulle dont avoir ou esperer puisse allegement, |³⁷⁸ car mes parens et amys, a qui avoye toute fiance, sont ceulx qui, jusques a ce dangereux et douloreux pas de mort duquel je suis pris et surpris come au trebuchet, me ont, par une subtille maniere de traïson, conduict accompaigné en ryz et jeux |³⁷⁹ sans me donner congnoissance de l’horrible angoisse en quoy me sens presentement enveloppé en corps et en ame, auquel latz je couroye avecq eulx !

[43v]

|⁵¹⁴ Devote oraison de l’ame raisonnable a Nostre Seigneur Jhesucrist pour recepvoir le sainct sacrement de l’autel.

|⁵¹⁵ O bon Jhesus, combien que soys indigne,

|⁵¹⁶ Pour les pechéz que j’ay faiz et commis,

|⁵¹⁷ De m’approcher du sacrement tres digne

|⁵¹⁸ Lequel est cy en ma presence mys,

|⁵¹⁹ Ce nonobstant, parce qu’avéz promis

|⁵²⁰ Salut a qui le prendra dignement,

|⁵²¹ Je m’y presente en foy devotement.

Table des noms propres

ABRAHAM, 89, patriarche, père des Hébreux

ABYRON, 105, figure de l’Exode, un des instigateurs de la révolte contre Moïse

ALIXANDRE, 51, ALEXANDRE, 282, Alexandre le Grand, roi de Macédoine

ANTHOINE (SAINCT –), 222, 235, Antoine le Grand, anachorète, considéré comme le premier moine chrétien

APPOCALICE, 320, Apocalypse de Jean, dernier livre du Nouveau Testament

ARISTOTE, 72, philosophe évoqué principalement à travers son Éthique à Nicomaque

AUGUSTIN (SAINCT –), 7, 13, 251, 323, 358, Augustin, évêque d’Hippone, l’un des quatre Pères de l’Église occidentale et l’un des trente-six docteurs de l’Église

Index des textes cités

Augustin

De anima et spiritu, XXVII : 323
De Civitate Dei contra paganos, XX, 24 : 358
Sermones, CCCLII, III, 8 (De utilitate agendae poenitentiae) : 7

ADHERER, 93, v., attacher à

ADMONNESTER, ADMONNESTE, 148, 307, v., conseiller

ADVENEMENT, 167, n. m., venue

AFFLICTION, 414, 460, AFFLICTIONS, 139, 175, 192, 411, n. f., « Abattement consécutif à un événement douloureux » (DMF)

AMORTIR, AMORTIST, 428, v., anéantir, conduire à la mort

BENIN, BENIGNE, 524, adj., bienveillant

BENIGNITÉ, 556, n. f., bienveillance, bonté

COMPLAIRE, 245, 414, 458, v., chercher à se rendre qn favorable

CONTEMNEMENT, 581, n. m., mépris

DESORDONNE, DESORDONNEE, 414, 496, DESORDONNEES, 411, adj., contraire à l’ordre moral ou social

DESPECER, 55, v., mettre en pièces

DESPITER, 487, v., mépriser

ENHORTER, ENHORTES, 461, v., conseiller, recommander

ENNUY, 425, n. m., souffrance

ESTRANGE, 301, adj., inconnu

GEMIR, 347, 426, GEMIST, 246, v., regretter

OFFENDRE, OFFENDONS, 172, v., offenser

POURTANT QUE, 293, conj., parce que

REMONSTRANCE, 66, n. f., exposé

REMONSTRER, REMONSTRANT, 70, 113, 159, 167, 180, 308, v., exposer

SENTENCE, 53, 340, 365, 477, 481, n. f., phrase, formulation

TRESBUCHER, 412, v., tomber

TRIBULATION, TRIBULATIONS, 154, 160, 185, 228, n. f., épreuve

VIANDE, 412, 443, 492, n. f., aliment solide