[De l'art et science de bien mourir]

[1r] |¹ Ce present livre est tres noble, De l’art et science de bien mourir, |² et y a cinq temptations diaboliques que l’ennemy de nature humaine faict au malade, luy estant en l’article de la mort, |³ et cinq consolations angeliques que l’ange faict au dict malade pour le conduyre et ramener au port de salut comme peult apparoir par les futures et par le rescript qui s’ensuit.

|⁴Cum omnium terribilium mors corporis sit terribilissima omnesque mori, tam ex debito quam de jure naturali, necesse existat, ynmo et omnino oporteat, expedit christiano secure et bene mori volenti ut sciat mori. |⁵ Ars enim moriendi nobilissima est. |⁶Adversus noticiam conquirendam plurimum valere potest quidem brevis exortacionis modus ex sequentibus figuris |⁷ et earum descriptionibus subtili consideratione notandus et circa eos qui in mortis articulo sunt constituisti practicandus. |⁸Et quia morituri in extremis graviores et tales habent temptationes quales in vita sua nunquam habuerunt, ideo principalius de illis tractabitur materiis in presenti.

[1v] |⁹Selon la sentence du Philozophe, |¹⁰  « De toutes choses terribles c’est la mort la plus terrible ». |¹¹ Et comme il soit ainsi, tant de debte comme de droit naturel, il fault ung chascum mourir, |¹² il convient a ung chascum bon catholicque bien et seurement mourir, |¹³  car l’art et science de bien mourir est tres noble. |¹⁴ Pour laquelle art et science a apprendre et acquerir pourra moult valloir ceste briefve exhortation en maniere de figures, |¹⁵ affin que l’homme applicque mieulx son intencion faicte en subtille consideration par maniere de description, |¹⁶ et est moult proffitable et est a noter et de praticquer a ceulx qui sont constituéz en l’article de la mort. |¹⁷ Car, a la mort, on a a souffrir et passer plus griefves temptations et fantasies que l’homme n’eust jamais en sa vie, |¹⁸ desquelles principallement sera traicté en ceste presente exhortacion qui est faicte par figures, |¹⁹ dont la premiere hystoire demonstre comme l’ennemy de nature humaine tempte de la foy a l’article de la mort.

³Leçon non conservée : que le juge faict
⁵Leçon non conservée : est advnus
⁹Leçon non conservée : la plus terrible mq.