[144 r]

|¹ Ce petit livre est intitulé L’art de bien mourir, et cetera.

|² Comme le passaige de la misere de l’exil de ce present siecle a la mort soit difficile et moult estrange et horrible, |³ non seullement aux hommes laiz mais aussi aux religieux, |⁴ pour doncques estre instruit de la maniere de bien mourir, j’ay escrit, touchant ceste matere, aucunnes enhortacions, |⁵ les quelles Dieu devant, pourront estre prouffitables non seullement a ceulx qui labeurent au derrain de leur jours |⁶ mais aussi a tous autres cincq centz de plaine vie a la congnoissance de quelz elle parvendront, |⁷ car cest art et science de bien mourir est generallement bien necessaire a tous bons catholicques pour le prouffit de leur salut. |⁸ Et dure ce petit traittié plusieurs chapiltres.

[144 v] |⁹ Le premier est de la louenge de la mort et de la science de bien morir. |¹⁰ Le second est des grans temptacions que ceulx qui labeurent a l’article de la mort seuffrent et des remedes contre icelles. |¹¹ Et est ce chapiltre divisé en .xii. chapiltres dont le premier traicte de la premiere temptacion, qui est de foy, et du remede. |¹² Le .ii^e. traicte de la .ii^e. temptacion, qui se nomme desperacion, et de son remedde. |¹³ Le .iii^e. chapiltre est de la tierce temptacion, nommee impatience, et du remede. |¹⁴ Le .iiii^e. si est de la quarte temptacion, nommee complacence ou orgueil espirituel, et du remede. |¹⁵ Le .v^e. chapiltre est de la quinte temptacion, qui est d’avarice, et du remede. |¹⁶ Le .vi^e. chapiltre est des interrogacions que l’en doit faire aux malades. |¹⁷ Le .vii^e. est des instructions et advertissemens que l’en leur doit donner. [145r] |¹⁸ Le .viii^e. chapiltre est des enortacions et admonnestemens que pareillement l’en leur doit faire. |¹⁹ Le .ix^e. est des oroisons que l’en doit dire quant l’en voit que le malade est sur le point de rendre a Dieu l’ame, par ceulx qui sont entour de soy. |²⁰ Le .x^e. si est une exemple d’un pape et de ce que son chapelain fist pour luy en l’article de la mort. |²¹ Le .xi^e. si est des suffrages, paternoste et Ave Maria et oroison que le chappellain dist pour le pape. |²² Le .xii^e. si est la conclusion de ce present traité ou livre.

⁸ Note : Suit une ligne en blanc.
¹² Leçon non conservée : en .v. c.
²² Note : Un espace pour une illustration de 10 lignes de haut occupant 2/3 de la largeur est resté vide.