[bviij v]

|³⁴⁷ Bien utile conclusion de ceste salutaire doctrine.

|³⁴⁸ Ce le moriteur laborant en agonye et extremis peult parler et avoir usance de raison, |³⁴⁹ il doyt ses oraison expandre a Dieu, |³⁵⁰ premier invocquer et prier que, par sa tres estimale misericorde et par la vertu de sa passion, il le daigne recepvoir en sa grace. |³⁵¹ Depuis, priera par toute diligence la Vierge Marie |³⁵² pour sa patrone et moienneresse |³⁵³ et, aprés, tous les saintz anges et, par especial, l’ange en sa propre garde deputé |³⁵⁴ et, en oultre, les apostres, martirs, confesseurs et vierges et toutesvois ceulx ou celles plus singulairement qu’il a eu en dilection et reverence, |³⁵⁵ desqueulx le ymage, de la saincte croix et de Nostre Dame luy seront mys au devant.

|³⁵⁶Item, il dira trois foys cestuy vers : |³⁵⁷  ‘Se tu as desrompu mes loyens, |³⁵⁸  je te sacriffiray l’ostie de louange.’ |³⁵⁹ Car ses vers, selon Cossidore, est de tel vertu et efficace que les pechés de la personne luy sont pardonnés en la fin, par vraye confession devotement soit dit. |³⁶⁰Item, die trois foys ses motz ou semblables, les queulx on attribue a saint Augustin : |³⁶¹ « La paix de Nostre Seigneur Jhesucrist et la vertu de la tres benoiste passion et le seigne de la croix et la tres entiere purité, integrité de la tres saincte mere de Dieu, la Vierge Marie, |³⁶² et la benediction de tous les sainctz et sainctes, la garde des anges, ensemble les intercessions et suffraiges de tous les esleuz de Dieu |³⁶³ soient entre moy et mes ennemys visibles et invisibles en ceste heure de ma mort. |³⁶⁴ Amen. » |³⁶⁵ Et, comme ainsi soit que le salut est et conciste en son diffiniement de ce monde, chescun se doyt soingneusement pourvoyr d’ung bon, devot, saichant, feal et ydonne amy, |³⁶⁶ qui luy assiste en ceste necessité et conforte a constance de vraye foy, pacience, devotion et perseverance, |³⁶⁷ le movent et incitant a bon devoir, couraige et adressement de cueur a Dieu et aussi a sa doulce mere, en priant pour luy feablement en son agone et trespas |³⁶⁸ et, aprés, par bonne oroisons et commendacions, lequel luy peult moult valoir a sa salvation et pour tel assistant au malade chose de tres grant merite tribue aussi, [bix r] vauldroit comme pour luy. |³⁶⁹ Mais on en treuve peu de telz qui, en sa mort, ne si feablement assistant et trouvé, a leurs prochains amys, |³⁷⁰ les interrogans et hortans, remonstrant et admonestant a leur derrier salut et perpetuelle salvation. |³⁷¹ Et, pour ses prieres, lors et aprés, ayent heure de prier et faire prier comme besoing est |³⁷² et, par especial, quant le malade ne s’adonne et ne veult bonnement encores mourir. |³⁷³ Si est a doubter que les mourrissans, bien souvent, en ses tres dangereux article de mort, se portoient meschanment a apareillier et precipiter sans bonne conduite et convenable adresse.

|³⁷⁴ Cy finist le tres excellent livre appellé L’art et disposition de bien mourir.

³⁵⁴ Leçon non conservée : que la eu
³⁵⁶ Leçon non conservée : Iter il dire t. ; mes vaines je te sacriffiroy loste de
³⁵⁷ Note : Psaumes, 115, 1617
³⁵⁹ Leçon non conservée : Car ses v. s. Cassidonez est ; devotement tloit doit (Item)
³⁶⁵ Leçon non conservée : le salui est
³⁶⁷ Leçon non conservée : bon devoit c.
³⁶⁸ Leçon non conservée : et comment dacions lequel