|²¹¹ L’angoisse de la mort et citation devant Dieu.

|²¹²La fin et la conclusion de ce petit traicter de l’art de bien mourir est moult utille et proffitable, |²¹³ car, selon que tesmoigne sainct Pol l’apostre |²¹⁴ que « Dieu, de sa grant grace, ne laisse nul tempter qui ne puisse resister a la temptation », |²¹⁵ car ceulx qui resistent es temptations de l’ennemy font grant confusion au dyable |²¹⁶ et avecq se gaignent grant merite pour le salut de leurs ames. |²¹⁷ Pour laquelle chose, [18r] ung chascum chrestien consti-tué a l’article de la mort, |²¹⁸ affin qu’i puisse resister a la temptation de l’ennemy, se doit du tout soubmectre soubz la tuiction de Dieu, |²¹⁹ car, qui de sa volunté ne se consent nullement, l’ennemy ne le peult vaincre, moyennant la grace de Dieu.

|²²⁰ Pour quoy debvons bien notter |²²¹ car ung chascum a la mort se doibt esjouyr de ce qu’i meurt en la foy de Jhesuchrist et doit faire conscience de ce qu’il n’a pas vescu comme il devoit, |²²² en avoir dou-leur en son cueur avecq bon propos que, ce Dieu luy donnoit grace de vivre plus au monde, de faire penitence et de amender sa vie. |²²³ Et doibt fermement croire et confesser que nullement il ne peult estre saulvé se n’est par la mort de Jesuchrist, |²²⁴ mais doibt son salut constituer en la mort de nostre be-noist Saulveur Jesuchrist en luy rendant grace comme il l’a voulu juger. |²²⁵ Il doibt dire : |²²⁶ « Mon Dieu, mon Seigneur, mon Createur et mon Redempteur, je te mectz la mort de mon Saulveur entre toy et moy, nulle-ment aultrement contendant avecq toy. » |²²⁷ Et, si Dieu lui disoit qu’il fut digne de dampnation eter-nelle, lui dist : [18v] |²²⁸ « Sire, je remectz la mort de mon benoist Saulveur entre moy et mes pechéz et le me-rite de ta precieuse mort pour mes demerites, lesquelz je deusse avoir et je ne les ay pas. » |²²⁹ Et aultre fois dise : |²³⁰ « Mon Dieu, je mectz la mort de mon benoist Saulveur entre moy et ton yre, que tu as contre moy pour mes pechéz », |²³¹ en disant trois fois : |²³² « En tes mains, mon Dieu, je recommande mon esprit ». |²³³ Et ainsi il pourra parvenir au benoist royaulme de para-dis.

|²³⁴ Et saichez que ce traicté a esté faict d’ung grant entendement et science et est moult utille et proffitable et neccessaire a ceulx qui ont desir de bien mourir en la grace du Createur, |²³⁵ laquelle il nous vueille donner en ce monde et en la fin conduyre a la gloire de paradis. |²³⁶ Amen.

|²³⁷ Deo gracias omnes dicamus cothidie. |²³⁸ Sine fide cessemus.

²¹⁴ Note : Paul, Première Épitre aux Corin-thiens, 10, 12
²²⁶ Note : Anselme de Cantorbéry, Cur Deus ho-mo ?
²²⁸ Leçon non conser-vée : entre toy et – Note : Anselme de Cantorbéry, Cur Deus ho-mo ?
²³⁰ Note : Anselme de Cantorbéry, Cur Deus ho-mo ?
²³² Note : Psaumes, 30, 6
²³⁸ Leçon non conser-vée : sine fine cessemus