[L'Art de bien mourir en la grace de nostre Createur]

[19v] |¹ Cy aprés s’ensuit ung aultre livre de L’Art de bien mourir en la grace de nostre Createur |² et y a pareillement cinq temptacions et cinq consolations revenant au livre cy devant escript et es histoires |³ et deux aultres histoires, l’un De la presentation de l’ame devant Dieu et l’autre Du jugement de l’ame. |⁴ Et l’a faict ung vaillant docteur a ma requeste.

|⁵Il n’est chose plus certaine que la mort et plus incertaine que l’heure d’icelle, selon que dit sainct Pol, a la quelle « ung chascum sera guerdonné selon ses œuvres » |⁶ et ne sera pas temps alors de soy repentir, |⁷ comme dit sainct Augustin ou livre des Penitences, |⁸ car qui laisse de pecher jusques à la mort, il n’en doit avoir nul merite, veu qu’i laisse les pechéz par force et contraincte.

|⁹ Et, jaçoit se que l’Escripture dict |¹⁰ que « A l’heure que la creature veult plorer ses pechéz, Dieu est prest de luy pardonner », |¹¹ c’est grant peril de actendre jusques a la mort, |¹² car, quant nous voulons plorer nos faultes, se doibt estre de nostre propre [20r] vouloir, |¹³ car la penitence doibt estre liberalle. |¹⁴ Pourtant dict sainct Augustin que « Le pecheur qui se repent et aprés sa repentance vit en penitence, il est asseuré d’avoir paradis », |¹⁵ car Dieu dict : |¹⁶ « Je ne vueil pas la mort du pecheur mais vueil qu’i se convertisse et, aprés saconversion, que il vive en penitence. » |¹⁷ Mais celuy qui meurt tantost aprés sa conversion, il n’est pas asseuré d’estre soulvé, |¹⁸ comme dit l’Escot, |¹⁹ car, si Dieu pardonnoit a l’heure de la mort, ung chascun pecheroit tousjours jusques adoncques. |²⁰ Et, pour ce que c’est grant peril d’actendre celle journee de semer quant l’on doit moissonner, |²¹ veu que adoncques il ne souvient a la creature de ses pechéz ne de Dieu, comme dict le Psalmiste, |²² mais pense tant seulement es grans douleurs qu’i souffre et ailleurs ne peult penser, |²³ comme dit sainct Gregoire. |²⁴ Et adoncq l’ennemy de nature humaine luy donne plus de temptacion, d’aultant qu’i la sent plus prochaine de la mort. |²⁵ Sy me suis pensé de demonstrer les grans temptations et angoisse que la personne seuffre a son trespas. |²⁶ Et premierement sera mise sa [v] temptation que faict l’ennemy et, en aprés, la consolation de l’ange, |²⁷car comme dict sainct Pol : |²⁸ « Dieu ne nous laisse pas tempter fors que selon nostre pouvoir. » |²⁹ Et, comme dict sainct Bernard : |³⁰ « L’office des dyables est de nous conseiller a mal faire, mais ilz ne nous peuvent contraindre, |³¹ et, quant nous resistons a leurs temptations, nous faisons grant plaisir a Dieu et as anges, lesquelz se resjouyssent de la conversion du pecheur. » |³² Sy debvons estre bien adviséz a icelle heure et nous soubmectre a la misericorde de Nostre Createur en ayant bon vouloir de amender nostre vie et luy prier qu’i mecte sa passion entre luy et noz pechéz|³³ et qu’i ne nous pugnisse pas selon nos faultes mais face avec nous sa misericorde, |³⁴ car nous ne pouvons estre saulvéz se n’est par sa grace et sans luy ne pourrions eschapper les perilz de ce monde, |³⁵ car il est trop merveilleux, comme pourréz veoir en la matiere suyvant, en laquelle j’ay voulu faire sans y mectre les autoritéz des docteurs, |³⁶ a cause de briefveté et que ceste matiere est tant seullement pour simples gens et non [21r] pas pour les clercs, |³⁷ car ilz peuvent bien trouver les dangiers par la saincte Escripture. |³⁸ Sy vous prie qu’i vous plaise suppourter mes faultes et donner louange a Dieu du bien et non pas a moy, car je ne suis pas digne, |³⁹ et luy prie que au trespas nous vueille desfendre des grans perilz de la mort. |⁴⁰Amen.

¹ Note : Une illustration pleine page sur le 19r
⁵ Note : Paul, Épitre aux Romains, 2, 6.
⁷ Note : Augustin, Sermones, CCCLII, III, 8 (De utilitate agendae poenitentiae)
¹⁰ Note : Jean, 1, 9
¹⁴ Note : Référence à Augustin non identifiée.
¹⁶ Note : Ézéchiel, 18, 21-28.
¹⁹ Note : Jean Duns Scot, commentaires du Liber Sententiarum, 4.
²⁴ Leçon non conservée : prochain
²⁵ Leçon non conservée : penser
²⁸ Note : Paul, Premiére Épitre aux Corinthiens, 10, 12.
³⁰ Note : Référence à Bernard de Clairvaux non identifiée.
³¹ Leçon non conservée : et es anges