|²⁸⁸ Quinta temptacio dyaboli est

|²⁸⁹ Avaricia, magis seculares et carnales [92r] infestans, que est nimia occupacio temporalium et exteriorum rerum |²⁹⁰ circa uxores, filios et filias et amicos carnales seu etiam corporales divicias atque alia que magis in vita sua dilexerunt, |²⁹¹ per que dyabolus hominem vexat maxime in fine, dicens :

|²⁹² « O miser homo, tu jam relinques omnia bona temporalia que sollicitudinibus et laboribus maximis congregasti |²⁹³ et etiam uxorem, prolem, consanguineos, amicos carissimos et omnia alia desiderabilia |²⁹⁴ quorum te societati ad huc interesse tibi magnum foret solacium ipsisque magni boni occasio. »

|²⁹⁵ Dyabolus hec et similia homini in extremis laboranti de avaricia presentat ut sic per amorem et cupiditatem terrenorum advertat ab amore Dei, celestium bonorum et proprie salutis.

|²⁹⁶ Unde singulariter notandum est quod maxime caveri debet ne cuiquam morenti amici carnales videlicet [92v] uxor, liberi et bona temporalia ad memoriam reducantur, |²⁹⁷ nisi inquantum illud sanitas spiritualis infirmi postulat aut requirit, quia aliter maxime periculosum esset. |²⁹⁸ Tamen, si sit ab hiis que spirictus et salutis sunt, quibus maxime tunc omnibus viribus interioribus et exterioribus intendum est, |²⁹⁹ revocaretur ad ista temporalia et carnalia esset maximum periculum.

|³⁰⁰ Ymo tunc cum maxima sollicitudine a memoria et ejus mente removenda sunt. |³⁰¹ In quibus cogitacio celestium bonorum et salus anime posset impediri.

|³⁰² Bona inspiracio angeli.

|³⁰³ Contra quintam temptacionem dyaboli dat angelus bonus bonam inspiracionem, dicens :

|³⁰⁴ « O homo, averte aures tuas a mortiferis suggestionibus dyaboli, quibus te metere et inficere conatur |³⁰⁵ et omnia temporalia penitus postpone quia eorum memoria tibi [93r] nichil salutis conferre potest, ymo magnum impedimentum. |³⁰⁶ Memor esto verborum Domini Nostri Jhesuchristi, Creatoris, Redemptoris et Salvatoris tui, tibi et omnibus qui istis adherent dicentis : |³⁰⁷ Nisi quis renunciaverit omnibus que possidet, non potest meus esse discipulus. |³⁰⁸ Et iterum : |³⁰⁹ Si quis venit ad me et non odit patrem suum et matrem et uxorem et filios et fratres et sorores adhuc et animam suam propter me non est me dignus. |³¹⁰ Et alibi dicit : |³¹¹ Omnis qui relinquerit domum vel fratres vel sorores aut patrem aut matrem aut filios aut agros propter nomen meum centuplum accipiet et vitam eternam possidebit.

|³¹² Itaque Deus vult diligi super omnia et ante omnia et quod nos relinquamus omnia propter eum quia in eo sunt omnia bona nostra et sine ipso nichil nobis prodest, |³¹³ [93v] nam Quid prodest homini si totum mondum lucretur, anime vero sue detrimentum paciatur ? |³¹⁴ Quam dabit homo commutacionum pro anima sua ?

|³¹⁵ Memento etiam paupertatis Christi pro te pendentis in cruce, qui matrem dilectissimam et sanctissimam et discipulos suos carissimos propter tuam salutem sponte reliquit. |³¹⁶ Considera etiam quomodo Petrus et Andrea relinquentes patrem et navem secuti sunt eum. |³¹⁷ Et omnes alii apostoli et sancti propter eum relinquerunt omnia sed etiam voluntatem habendi. »

|³¹⁸ Et ideo tanta relinquerunt quante concupiscere potuissent. |³¹⁹ Propter Deum relinquenda sunt omnia quia nimis est avarus cui non sufficit Deus. |³²⁰ In primis ergo ista turmenti et omnia transitoria tanquam venenum et saluti tue contraria repelle |³²¹ et cor tuum ad voluntariam paupertatem [94r] propter Deum integre converte. |³²² Et sic regnum per misericordiam Dei ex promisso tibi dabitur, |³²³ dicente Domino : |³²⁴ Beati pauperes spiritu quoniam ipsorum est regnum celorum.

|³²⁵ Ergo te totum Deo, ut tibi divicias conferat sempiternas, plenarie commicte, totam tuam fiduciam in eo fundens et, in Judicio, vocem ejus dulcissimam audies dicentem : |³²⁶ Venite, benedicti Patris mei. |³²⁷ Percipite regnum quod vobis paratum est ab origine mondi.

|³²⁸ Nota bene quod, quando infirmus sentit se temptari per avariciam seu amorem terrenorum, a Deo separat quia Dei amorem secludit, |³²⁹ teste beato Gregorio qui ait : |³³⁰ Tanto quis a superno amore disjungitur quanto hic inferius in creaturis delectatur. |³³¹ Secundo, consideret quod voluntaria paupertas hominem beatificat et ad celum ducit, ut supra dictum, [94v] |³³² dicente Domino : |³³³ Beati pauperes, etc.

³⁰⁰ Leçon du ms. non conservée : s. ad memoriam et ; remonenda
³⁰⁴ Leçon du ms. non conservée : te metire et
³⁰⁷ Note : Luc, 14, 33
³⁰⁹ Note : Luc, 14, 26
³¹¹ Note : Matthieu, 29, 29
³¹² Note : Lothaire de Segni (Innocent III), De Vilitate condicionis humane, II, V
³¹⁶ Leçon du ms. non conservée : et naum secuti
³²⁴ Note : Matthieu, 5, 3
³²⁶ Note : Matthieu, 25, 34
³²⁷ Note : Matthieu, 25, 34
³³⁰ Note : Grégoire I^er, Homeliae in Evangelia, XXX
³³³ Note : Matthieu, 5, 3