[20r]

|²⁵⁵ Temptatio dyaboli de avaricia.

|²⁵⁶ Quinta temptacio dyaboli est avaricia, magis seculares et carnales infestans, que est nimia occupacio temporalium atque exteriorum |²⁵⁷ circa uxorem et amicos carnales seu corporales divicias atque alia que magis in vita sua dilexerunt |²⁵⁸ per que dyabolus hominem maxime vexat in fine, dicens :

|²⁵⁹ O miser, tu jam relinques omnia temporalia, que sollicitudinibus et laboribus maximis sunt congregata, |²⁶⁰ eciam uxorem, proles et consanguineos, amicos carissimos et omnia alia hujus mundi desiderabilia |²⁶¹ quorum te societati adhuc interesse tibi magnum foret solacium ipsis quoque magni boni occasio.

|²⁶² Hec et similia dyabolus homini in extremis de avaricia presentat ut sic per amorem et cupiditatem terrenorum avertat amore Dei et propria salute. |²⁶³ Unde singulariter notandum quod maxime caveri debet ne cuiquam morenti amici corporales, uxor, liberi, divicie et alia temporalia ad memoriam reducantur, |²⁶⁴ nisi inquantum illud infirmi spiritualis sanitas postulet aut requirat, quia alias maxime periculosum esset. |²⁶⁵ Tamen sic ab hiis que spiritus et salutis sunt, quibus macxime tunc omnibus viribus interioribus et exterioribus intendendum est, |²⁶⁶ revocaretur ad ista miseria temporalia et carnalia tunc cum maxima sollicitudine a memoria et mente removenda, in quibus certe tunc occupari est valde periculosum.

[22r] |²⁶⁷ Bona inspiracio angeli contra avariciam.

|²⁶⁸ Contra quintam temptationem dyaboli dat angelus bonam inspiracionem, dices :

|²⁶⁹ O homo, averte aures tuas a mortiferis suggestionibus dyaboli, quibus te irritere et inficere conatur |²⁷⁰ et omnia temporali totaliter postpone, quorum memoria utique nichil salutis conferre potest sed magnum impedimentum, |²⁷¹ memor verborum Domini ad eos qui istis adherent : |²⁷² Nisi quis renunciaverit omnibus que possidet non potest meus esse discipulus. |²⁷³ Et iterum : |²⁷⁴ Si quis venit ad me et non odit patrem suum et matrem et uxorem et filios et fratres et sorores adhuc non potest meus esse discipulus. |²⁷⁵ Item, ad eos qui istis renuncuant, dicit : |²⁷⁶ Et omnis qui relinquerit domum vel fratres vel sorores aut patrem aut matrem aut uxorem aut filios aut agros propter nomen meum centuplum accipiet et vitam eternam possidebit. |²⁷⁷ Memento eciam paupertatis Christi in cruce pro te pendentis, matrem dilectissimam et discipulos carissimos propter tuam salutem spontissime relinquentis. |²⁷⁸ Considera eciam quod tot viri sancti in isto contemptu rerum temporalium secuti sunt eum audituri illud : |²⁷⁹ Venite, benedicti Patris mei. |²⁸⁰ Possidete regnum paratum vobis ab origine mundi. |²⁸¹ Imprime ergo ista tue menti et, omnia transitoria tamquam venenum a te penitus repellendo ; |²⁸² cor tuum ad voluntariam paupertatem integre converte et sic regnum celorum ex promisso tibi debetur, |²⁸³ dicente Domino : |²⁸⁴ Beati pauperes spiritu quoniam ipsorum est regnum celorum. |²⁸⁵ Teque totum Deo, qui tibi divicias conferet sempiternas, plenarie committe, totam tuam fiduciam in eum fundens. |²⁸⁶ Nota, quando infirmus sentit se temptari per avariciam seu amorem terrenorum, consideret primo quod amor terrenorum a Deo separat quia Dei amorem secludit, |²⁸⁷ teste Gregorio qui ait : |²⁸⁸ Tanto quis a superno amore disjungitur quanto hic inferius in creaturis delectatur. |²⁸⁹ Secundo, consideret quod voluntaria paupertas hominem beatificat et ad celum ducit, |²⁹⁰ dicente Domino : |²⁹¹ Beati pauperes spiritu quoniam ipsorum est regnum celorum.

²⁵⁸ Leçon non conservée : per quem d – Variantes : OP per quem d.
²⁵⁹ Variantes : P tu qui jam ; omnia bon temporalia
²⁶⁰ Leçon non conservée : amicocos – Variantes : P uxores ; et (après proles) mq.
²⁶³ Variante : P moriente
²⁶⁵ Variante : O Tum sit a
²⁶⁶ Note : Suit une illustration pleine page au v.
²⁷¹ Variante : O potest se magnum
²⁷² Note : Luc, 14, 33.
²⁷⁴ Note : Luc, 14, 26.
²⁷⁵ Variante : P (celorum) atque totum
²⁷⁶ Note : Matthieu, 29, 29.
²⁷⁹ Note : Matthieu, 25, 34.
²⁸⁴ Note : Matthieu, 5, 3.
²⁸⁶ Variante : P terrenorum ad eos separat
²⁸⁷ Note : Grégoire I^er, Homeliae in Evangelia, XXX.
²⁹¹ Note : Suit une illustration pleine page au v.