|⁴³⁶ De la souvenance des choses temporelles, quinte temptacion.

|⁴³⁷Aprés est presentee la quinte temptacion, la quelle infait et corrumpt principallement les seculiers et charnelz, |⁴³⁸ comme [b vi r] trop grande occupacion des choses temporelles et exteriores, |⁴³⁹ c’est a dire envers sa femme et ses enfans et envers ses amys et mondaines richesses et autres choses les quelles ilz ont en leur vie aymé trop desordonnement, |⁴⁴⁰ car, certainement, qui veult bien et sceurement mourir, il doit totallement contempner toutes choses temporelles et exteriores et les mettre hors de sa pensee et affection ainsi comme s’ilz n’eussent oncques esté et soy voluntairement du tout commettre a Dieu.

|⁴⁴¹ Car, selon ce que l’Escot nous dit : |⁴⁴²Si quis infirmus, cum se jam videt mortuum, velit bene mori, plene consentiat morti ac si pro se elegisset penam mortis, |⁴⁴³ c’est a dire que « Quant aucun malade voit qu’il est ja prest a mourir, s’il veult bien mourir, il se doit plainement consentir a la mort ainsi comme s’il eust esleu pour luy icelle paine ». |⁴⁴⁴ Et, ainsi, en soustenant pacientement la mort, il fera satisfaction de tous ses pechéz veniels et non pas seullement des venielz, |⁴⁴⁵ mais encoire plus il aydera aucunement a satisfaire pour les mortelz.

|⁴⁴⁶ Par quoy il appert que ceste chose est tres utile et du tout necessaire, en tel article de necessité, conformer sa voulenté a la voulenté divine, ainsi qu’il fault en toutes choses. |⁴⁴⁷ Mais saches que, a grant paine et bien tart, nul seculier ou charnel et mesmes nul religieux ne veult a la mort exposer |⁴⁴⁸ et, qui plus est, de telle choses ne veullent rien ouÿr. |⁴⁴⁹ Mesmes quant ilz sont frapéz de la mort, ilz espoirent eschaper et evader. |⁴⁵⁰ La quelle chose je prometz selon ce que dit Isaÿe le prophete estre tres dangereuse et plaine de grant peril a tout bon crestien.

|⁴⁵¹ Toutesfois, il est a noter que le dyable, en toutes les temptacions devant dictes, ne pourra vaincre l’omme en quelque maniere que ce soit |⁴⁵² et aussi, en nulle chose qu’il face, l’omme ne luy donnera consentement s’il n’est ainsi que, tant comme l’omme a esté en sa franchise et usage de raison, qu’il se soit voulu a luy consentir voluntairement, |⁴⁵³ la quelle chose est a eviter, non pas seullement a tout bon crestien mais aussi a tout pecheur, de quelque abondance et plenitude de pechéz qu’il soit plain.

|⁴⁵⁴ Et, pour ce, dit bien l’Apostre ce qui ensuy : |⁴⁵⁵ Fidelis est Deus qui non pacietur vos temptari supra id quod potestis, sed faciet eciam cum temptacione proventum ut possitis sustinere, |⁴⁵⁶ c’est a dire que « Nostre Dieu est tres loyal, le quel [b vi v] ne souffrira point que vous soiéz temptéz sur la chose la quelle vous ne pouéz porter |⁴⁵⁷ mais aussi vous fera aide et soulegement avec la temptacion |⁴⁵⁸ affin que la puisséz soustenir ». |⁴⁵⁹ Et dit la Glose sur ce mot : |⁴⁶⁰ Fidelis est Deus, |⁴⁶¹ qui signifie « Dieu est loial », |⁴⁶² c’est a dire qu’il est vray en ses promesses, le quel nous donne grace de resister puissamment, prouffitablement et perseveramment que nous ne soyons vaincus |⁴⁶³ et affin que nous dessevrons grace, et nous donne constance affin que nous vaincons. |⁴⁶⁴ Faciet proventdum, |⁴⁶⁵ c’est a dire « il vous donnera augmentacion de vertus |⁴⁶⁶ affin que vous puisséz soustenir la temptacion et que vous ne defailléz en icelle mais que vous ayéz victoire, la quelle est faicte par humilité ».

|⁴⁶⁷ Et de cecy dit monseigneur saint Augustin : |⁴⁶⁸ Illi non crepant in fornace qui non habent ventum superbie, |⁴⁶⁹ c’est a dire que « Ceulx les quelz ne sont point enfléz du vent d’orgueil ne crevent point en la fournaise d’enfer ».

|⁴⁷⁰ Et, pour ceste cause donc, le petit homme et povre pecheur se doit humilier soubz la puissante main de Dieu. |⁴⁷¹ Et, se ainsi il le fait, il pourra obtenir de ses ennemys victoire par la grace et aide de Nostre Seigneur et sera deffendu jusques a la mort et gardé en toutes temptacion, enfermité, douleur et tribulacion de tous maulx.

⁴⁴² Note : Jean Duns Scot, commentaires du Liber Sententiarum, 4
⁴⁵⁰ Note : Ésaïe,  38, 1.
⁴⁵⁵ Note : Paul, Première Épitre aux Corinthiens, 10, 12.
⁴⁶⁰ Note : Glose de Paul, Première Épitre aux Corinthiens, 10, 12.
⁴⁶⁸ Note : Augustin, Enarrationes in Psalmos, CI.