[Interrogacions]

|³⁹⁵ Ci aprés s’ensieuent les interrogacions qui se doibvent faire a ceulx qui moeurent tandis qu’ilz ont ancoires l’usage de raison et de parler. |³⁹⁶ Cecy se fait pour tant que, se aucuns est mains disposé a morir, qu’on le informe de mieulx en mieulx et que en ce on le conforte.

|³⁹⁷ Selon saint Ancelme, evesque, ce doibt estre fait en ceste maniere.

|³⁹⁸ Premierement, on demande au malade ainsy : [17r] |³⁹⁹ « Mon frere, te esjouis tu que tu mœurs en la foy de Jhesucrist ? » |⁴⁰⁰ Et il respond : |⁴⁰¹ « Oïl. » |⁴⁰² – « Congnus tu que tu n’as pas si bien vesquu que tu deusses avoir fait ? » |⁴⁰³ Et il responde : |⁴⁰⁴ « Oïl. » |⁴⁰⁵ – « Te repens tu de ce ? » |⁴⁰⁶ Et il responde : |⁴⁰⁷  « Oïl. » |⁴⁰⁸ – « As tu voulenté de toy amender se tu avoies espace de vivre ? » |⁴⁰⁹ Et il responde : |⁴¹⁰ « Oïl. » |⁴¹¹ – « Crois tu que tu ne poeus estre sauvé se non par la mort de Jhesucrist ? » |⁴¹² Et il responde : |⁴¹³ « Oïl. »

|⁴¹⁴ Or, avant, doncques ! |⁴¹⁵ Tandis que ton ame est en ton corps, rens grace a Dieu |⁴¹⁶ et constitue toute ta fiance en ceste seulle mort et n’as fiance en nulle aultre chose.

|⁴¹⁷ Cometz toy aussy du tout a ceste mort. |⁴¹⁸ Coeuvre toy tout de ceste mort. |⁴¹⁹ Envoleppe toy tout en ceste mort. |⁴²⁰ Et, se Nostre Seigneur te veult jugier, dis : |⁴²¹ « Je oppose entre toy et moy la mort de Nostre Seigneur |⁴²² et je ne contens point aultrement aveucques toy ton jugement ».

|⁴²³ S’il dist que tu as deservy d’estre dampné, dis : |⁴²⁴ « Je contrejette la mort de Jhesucrist entre toy et mes merites et offre les merites d’icelle passion pour le merite que je deusse avoir eu |⁴²⁵ et, lasse moy ! je ne l’ay point. »

|⁴²⁶ Et dis de [17 v] rechief : |⁴²⁷ « Je metz la mort de Nostre Seigneur Jhesucrist entre moy et ton yre ».

|⁴²⁸ Et puis dis trois fois : |⁴²⁹ In manus tuas, Domine, commendo spiritum meum, et cetera, |⁴³⁰ c’est a dire : « Sire, je commande mon esperit en tes mains ». |⁴³¹ Comme doncques les interrogacions dessusdites samblent competer seullement a personnes religieuses et devotes tousjours, |⁴³² toutesfois, tous chrestiens, soient seculiers ou reguliers, doibvent estre informéz et enquis plus clerement et plus certainement de leur estat, selon le Chancellier de Paris, |⁴³³ en la maniere qui s’ensieut :

|⁴³⁴ « Et, premierement, crois tu tous les principaulx articles de la foy et, en aprés, a toute la sainte Escripture par tout ? |⁴³⁵ Crois tu aussy le exposicion des vrays catholicques docteurs de nostre Mere sainte Eglize et detestes toutes herisies et erreurs et supersticions reprouveez de l’Eglize ? |⁴³⁶ Te esjouis tu en la foy de Jhesucrist et mœurs tu en l’union et obedience de nostre Mere sainte Eglise de Romme ? »

|⁴³⁷ Secondement, on lui demande ainsi : |⁴³⁸ « Recongnois tu que tu as courouchié souvent et en moult de manieres et tresgriefment ton Createur et Redempteur ? » |⁴³⁹ Car saint Bernard dist [18r] sur les Cantiques ainsy : |⁴⁴⁰ « Je say que nul ne poeult estre sauvé sans la congnoissance de lui, dont humilité est la mere de salut, |⁴⁴¹ et la cremeur de Nostre Seigneur, qui, comme il est commenchement de sapience, samblablement il est de salut ».

|⁴⁴² Tiercement, on lui demande ou enquiert ainsy : |⁴⁴³ « Te deuls tu en ton cœur de tous tes pechiés comme contre la magesté, l’amour et la bonté de Dieu, |⁴⁴⁴ et des biens que tu as delaissiés a faire et de tes graces dont tu n’as tenu compte |⁴⁴⁵ non mie seullement pour cremeur de la mort ou de quelconques paines, |⁴⁴⁶ ains plus pour l’amour de Dieu et de justice, par la charité dont nous sommes tenus d’amer Dieu sur toutes choses et demander pardon de toutes choses cy ? |⁴⁴⁷ Tu desires en apréz que ton cœur soit humilié et enluminé pour avoir congnoissance de tes pechiés oubliés affin que en puisses faire penitance ? »

|⁴⁴⁸ Quartement : |⁴⁴⁹ « Tu propose toy amender veritablement se tu devoyes sourvivre et ja non jamais plus pechier mortellement a ton encient ou de certain propos, |⁴⁵⁰ ains mieulx amer [18 v] delaissier toutes choses que tu as chieres, que tu feisse perdre ta vie corporelle ainchois que tu voulsisses plus courouchier Dieu ? |⁴⁵¹ En aprés depries Dieu qu’il te donne graces de continuer en ce propos ».

|⁴⁵² Quintement : |⁴⁵³ « Tu pardonnes de tout ton cœur a tous ceulx qui te feirent oncques desplaisir, quelque parolle ou de fait, |⁴⁵⁴ et a ceulx aussy qui te ont courouchiet, pour l’amour et honneur de Nostre Seigneur Jhesucrist, duquel tu espoires avoir pardon ? |⁴⁵⁵ Et demande samblablement avoir pardon et remission de tous ceulx que tu as offensé en quelque maniere que ce soit ».

|⁴⁵⁶ Siziesmement : |⁴⁵⁷ « Tu voeulx que tout quanques tu as soustrait soit restitué entierement autant que tu y es tenu, selon la valleur de ta chevance, |⁴⁵⁸ jusques a faire cession de tous biens ou a renunciacion quant ne se porroit aultrement satisfacion faire ? »

|⁴⁵⁹ Septiesmement, on lui demande ainsi : |⁴⁶⁰ « Crois tu que Jhesucrist soit mort pour toy et que tu ne poeus estre sauvé aultrement |⁴⁶¹ se non par le merite de la passion de Nostre Seigneur Jhesucrist |⁴⁶² et de ce tu [19 r] en rens graces a Dieu de tout ton cœur autant que tu poeus ? » |⁴⁶³ Quiconques doncques porra vraiement et affirmativement respondre par bonne conscience et foy non fainte aux interrogations dessusdites, il a assés evident argument de sa salut. |⁴⁶⁴ C’est assavoir, s’il se moeurt en cest estat, qu’il sera du nombre des sauvés. |⁴⁶⁵ Mais cellui qui ne sera point interroguié d’aultrui touchant les choses dessusdites, meismement qu’il en y a assés pau et rares qui aient la science de cest art, |⁴⁶⁶ cellui aussy qui est interroguié responde au pardedens en considerant ou interrogant plus soubtivment soi meismes, |⁴⁶⁷ assavoir s’il est disposé tellement comme il est dit cy dessus, pour ce que sans telle disposicion nul ne poeult estre sauvé. |⁴⁶⁸ Et, qui est disposé ainsi que dit est, il se commette et recommande tout a la passion de Jhesucrist et, chascun jour, autant qu’il porra et que la maladie le souffrira, la rumine et y pense songneusement, |⁴⁶⁹ car, par ainsy faire, toutes temptacions du deable d’enfer et meismement ses aguetz sont sourmontés et vainquus du tout en tout.

19 v] |⁴⁷⁰ En aprés, selon ce que dist saint Gregoire, |⁴⁷¹ « toute l’action de Nostre Seigneur est nostre instruction », |⁴⁷² pour tant tout quanques Jhesucrist fist morant en la croix, ce appartient a faire a ung chascun qui va morir, selon sa possibilité et maniere de faire.

|⁴⁷³ Certes, Jhesucrist fist en la croix cincq choses.

|⁴⁷⁴ Premierement, il depria, car on list qu’il fist ces psalmes : |⁴⁷⁵ Deus, Deus meus, respice in me, |⁴⁷⁶ et les huit psalmes ensieuant jusques ad ce verset : |⁴⁷⁷ In manus tuas, Domine, commendo spiritum meum.

|478 Item, il ploura, tesmoing l’Apostre. |⁴⁷⁹ Il cria. |⁴⁸⁰ Il reconmanda son ame a son Pere et lui rendi son esperit conme les Evangelistes le tesmoingnent.

|⁴⁸¹ Samblablement, le malade constitué en l’article de la mort doibt orer, au mains en cœur s’il ne poeult avoir voix. |⁴⁸² Pour ce dist Ysodoire : |⁴⁸³ « Mieulx vault orer en silence sans faire son de voix que ne fait seullement orer de parole sans y avoir la pensee ».

|⁴⁸⁴ Secondement, il doibt crier samblablement fort en cœur [20 r] et non pas en voix, |⁴⁸⁵ car Dieu considere plus desir de cœur qu’il ne fait le cri de la voix. |⁴⁸⁶ Et crier en son cœur n’est aultre chose que desirer fort la remission de ses pechiés et la vie eternelle.

|⁴⁸⁷ Tiercement, il doibt plourer, non pas de yeulx carneulx, ains de larmez du cœur, c’est asavoir en soy repentant vraiement.

|⁴⁸⁸ Quartement, il doibt reconmander son ame a Dieu, en disant : |⁴⁸⁹ In manus tuas, Domine, conmendo spiritum meum.

|⁴⁹⁰ Quintement, il rende son esperit, c’est a dire qu’il moeure voulentiers, conformant en ce sa voulenté a la divine voulenté conme il appartient.

|⁴⁹¹ En aprés, se le malade poeult parler et avoir l’usage de raison, |⁴⁹² il die les obsecracions et oreisons qui s’ensieuent.

|⁴⁹³ Summa Deitas, inmensa bonitas, clementissima et gloriosissima Trinitas, summa dilectio, amor et caritas, miserere michi misero peccatori. |⁴⁹⁴ Tibi enim commendo spiritum meum.

|⁴⁹⁵ Deus meus, Pater piissime misericordiarum, misericordiam fac huic pauperrime creature. Adjuva me nunc et in ultima neccessitate. |⁴⁹⁶ Succure, Domine, 20 v] jam egenti et desolate anime ut non a canibus infernalibus devoretur.

|⁴⁹⁷ Dulcissime et amatissime Domine Jhesucriste, fili Dei vivi, ob honorem et virtutem tue beatissme passionis, jube me recipi inter numerum electorum tuorum. |⁴⁹⁸ Salvator et Redemptor meus, reddo me totum tibi. |⁴⁹⁹ Non me renuas. |⁵⁰⁰ Ad te venio, non me repellas.

|⁵⁰¹ Domine Jhesucriste, paradisum tuum postulo, non ob valorem meritorum meorum, cum sum pulvis et cinis et peccator miserrimus |⁵⁰² sed in virtute et efficacia tue sacratissime passionis, per quam me miserrimum redimere voluisti tuo preciosissimo sanguine et michi paradisum donare dignatus es.

|⁵⁰³ Item, le malade die pluseurs fois en repentance, a tout le mains trois fois, ce verset : |⁵⁰⁴ Dirupisti, Domine, vincula mea. |⁵⁰⁵ Tibi sacrificabo hostiam laudis et nomen Domini invocabo. |⁵⁰⁶ Car, selon Cassiodoire, on tient que ce verset est de tant grande vertu que les pechiés des honmes en soient pardonnés se, en la fin de la vie, on le dist par vraie et entiere confession.

|⁵⁰⁷ O Domine Jhesucriste, fili Dei vivi, propter 21 r illam amaritudinem mortis tue quam pro me sustinuisti in cruce, maxime in illa hora quando tua sanctissima anima egressa est de corpore tuo, miserere anime mee miserrime, pie Jhesu, in egressu suo.

|⁵⁰⁸ Item, aprés ces choses, il invocque tresdoulcement et tresinstanment de cœur et de bouche, autant qu’il poeult, la tresglorieuse Vierge Marie, |⁵⁰⁹ trespreste et tresapareillie moienneresse et aideresse de tous pecheurs, en disant ainsy :

|⁵¹⁰ Regina celorum, Mater misericordie, Refugium peccatorum, reconsilia me unigenito filio tuo, |⁵¹¹ ejus clemenciam pro me indigno peccatore interpellando ut amore tui mea remitat peccata producens me in gloriam suam.

|⁵¹² Et puis il invocque les angles de paradis par ses prieres, en disant :

|⁵¹³ Spiritus celorum, angeli beatissimi, assistite michi, queso, migranti ex hoc seculo et potenter me erripite ab omnibus adversarum meorum insidiis |⁵¹⁴ et animam meam in vestrum consorcium assumite, tu, principue, angele bone, custos meus, a Deo michi deputatus.

^|515 Et, en aprés, les apostres, les martirs, les conféz et les vierges et plus especiallement, en cest article de mort, il invoque |⁵¹⁶ et [21v] plus dilligamment en son aide les saints et saintes lesquelz ou lesquelles il a eu en plus grande veneracion et mieulx amé par avant, quant il estoit sain et haitié.

|⁵¹⁷ Item, il die trois fois ces parolles ou samblables en substance qui sont atribuees a saint Augustin :

|⁵¹⁸ Pax Domini Nostri Jhesuchristi et virtus passionis ejus et signum sancte crucis et integritas et humilitas beatissime Virgine Marie et benedictio omnium sanctorum et sanctarum, custodia angelorum, |⁵¹⁹ suffragia omnium electorum tuorum necnon omnes oraciones que fiunt in Ecclesia tua sancta sint inter me et omnes inimicos meos, visibiles et invisibiles, in hac hora mortis mee. |⁵²⁰ Amen.

|⁵²¹ Puis aprés, il adviegne ce verset en le disant trois fois :

|⁵²² Largire clarum vespere quo vita nusquam decidat sed premium mortis sacre perhennis instet gloria.

|⁵²³ Mais, se le malade ne scet point lesdites orisons ou obsecracions ou qu’il ne les puist dire pour l’agravement de sa maladie, |⁵²⁴ quelque ung des assistens les die a haulte voix devant icellui malade en muant les choses qui font a muer. |⁵²⁵ Et que le pacient en l’article de la mort, aussi longuement [22 r] qu’il pourra avoir l’usage de raison, il deprie tout a trait tant seullement en son cœur et desir ainsi qu’il scet et poeut |⁵²⁶ et, en priant ainsi, il rende son esperit a Dieu, son Createur et Redempteur, et il sera sauvé en la gloire de paradis.

397 Note : Anselme de Cantorbéry, Cur Deus homo ?
425 Leçon non conservée : laisse m. –  Note : jel avec l exponctué. – Psaumes, 30, 6.
435 Leçon non conservée : des vrayes catholicques
438 Leçon non conservée : tu (après recongnois) mq.
440 Leçon non conservée : je fay que –  Note : Bernard de Clairvaux, Sermones in Cantica canticorum, XXXVII, 1.
445 Note : Entre plus et pour, l.
450 Leçon non conservée : chiers
457 Leçon non conservée : tu y est tenu
466 Leçon non conservée : s. soit meismes
469 Note : Suivent 4 lignes en blanc.
471 Note : Thomas d'Aquin, Lectura in Iohannis evangelium, XI, 6.
475 Note : Psaumes, 21, 2.
476 Leçon non conservée : verscet
477 Note : meum répété, le premier meum étant biffé. – Psaumes, 30, 6.
489 Note : Psaumes, 30, 6.
493 Note : Entre dilectio et amor, propter biffé.
495 Note : pauperiale corrigé en pauperrime ; creature avec a suscrit.
496 Note : ut non aquibus corrigé en a canibus.
502 Note :  Entre sed et in v., et exponctué ; entre miserrimum et redimere, me biffé.
504 Note : domine, peut-être d’une autre main, dans la marge extérieure. – Psaumes, 115, 16-17.
506 Note : que (aprés tient) peut-être d’une autre main.
507 Note : mee, biffé et remplacé par egressa est de corpore tuo, miserere anime mee dans la marge extérieure. – Psaumes, 141, 5-6.
511 Note : me, entre producens et in, au-dessus de la ligne.
514 Note : a deo, peut-être d’une autre main, au-dessus de a duo biffé.
519 Leçon non conservée : hac ora mortis
522 Note : perhennis, d’une autre main au-dessus de per hiemnis biffé.
523 Note : le, entre se et malade, au-dessus de la ligne, d’une autre main.
526 Note : Suivent 3 lignes en blanc.