[Cincq temptacions]

[151v] |¹⁵³ Il n’est pas a doubter que ceulx qui labeurent a l’article de la mort n’ayent pluseurs grandes temptacions et les [152r] nonpareillez qu’ilz ayent oncques eu par avant en plaine vie, |¹⁵⁴ entre les quelles j’en trouve cincq principallez.

|¹⁵⁵ La premiere est de foy, |¹⁵⁶ pour ce que aussi que foy est le fondement de nostre salut.

|¹⁵⁷ Tesmoing l’Apostre qui dit, parlant du salut : |¹⁵⁸ « Nul ne peut mettre autre fondement en nostre salut que foy. » |¹⁵⁹ Et saint Aujustin dit : |¹⁶⁰ Fides est bonorum omnium fundamentum et humane salutis inicium |¹⁶¹ « Foy est le fondement de tous biens et le commencement de humain salut ». |¹⁶² Et, pour ce, dit de rechief l’Apostre, Ad Hebreos, .xi^o. capitulo : |¹⁶³ Sine fide impossible est placere Deo |¹⁶⁴ « Il est impossible que sans foy nul puisse a Dié plaire ». |¹⁶⁵ Et saint Jehan dit : |¹⁶⁶ « Celuy qui ne croit est desja jugé ».

|¹⁶⁷ Comme doncques foy soit de si grant auctorité, vigueur et excellence que sans elle nul ne puisse obtenir salut, quant vient que l’omme labeure au derrenier de ses jours, [152v] |¹⁶⁸ le dyable vient et se parforce a toute puissance de le troubler et faire varier en elle |¹⁶⁹ ou, au moins, luy apporte et met au devant faulces erreurs pour le decevoir. |¹⁷⁰ Et, pour ce, tout bon crestien, quant se voit ainsi estre tenté, doit incontinent ramentevoir et dire continuellement, tant que possible luy est, les .xii. articles de la foy, qui sont contenus au grant Credo in Deum et se fermer en eulx.

|¹⁷¹ Puis encore, pour ce que les maladies aggriefvent et troublent aucuneffoys si tres fort les malades qu’ilz n’ont pas advisement de les ramentevoir, |¹⁷² ceulx qui sont a l’entour les en doivent adviser et sur ce leur donner consolacion, |¹⁷³ ne seullement touchant les dis articles mais aussi touchant toutes autres escriptures sainctes et bons exemples selon que Dieu leur administre, |¹⁷⁴ car, si tost que l’omme, [153r] quel qu’i soit, commence errer en aucunne des susdictes, tant plus tost il commence devoier de la voye et de salut.

|¹⁷⁵ Non pour quant, ja soit ce que le diable soit tousjours prest a tout effort de troubler l’homme et decevoir, |¹⁷⁶ toutesfois il n’a sur luy nulle puissance tandis qu’il usera de franc vouloir et sera bien disposé en soy, si non en tant qu’il luy vouldra donner consentement. |¹⁷⁷ Et, pour ce, dit l’Apostre : |¹⁷⁸ « Ne vueillez pas donner lieu au dyable ». |¹⁷⁹ Et saint Jaques dit : |¹⁸⁰ « Faites resistence au dyable et il s’en fuyra de vous ».

|¹⁸¹ Et, pourtant, nul bon chrestien ne doit jamais doubter nullez ilusions ne menaces ne losenges diabolicques ne aussi donner a elles aucun consentement, |¹⁸² car toutes sont mençongeuses, mesmement pourtant que le dyable est pere de mençonge, |¹⁸³ mais doit perseveramment et de bon couraige demourer en la foy et [153v] unité et vraye obeïssance de nostre Mere sainte Eglise et en elle desirer mourir.

|¹⁸⁴ Et aussi est grandement bon et prouffitable que ceulx qui demeurent a l’entour des malades ou aucun d’eulx die le Credo in Deum, ou quel sont contenuz les .xii. articles de la foy, |¹⁸⁵ a haulte voix |¹⁸⁶ ou au moins que les manieres le puissent ouyr et appliquier leur couraige a la foy et delaissier toutes vaines ymaginacions et toutes temptacions desquellez seroient assailliz, |¹⁸⁷ car, en ce faisant, le dyable le tenne et le desprise et desdaigne tellement que, quant voit qu’il ne peut riens prouffiter, il s’en va par desdaing.

|¹⁸⁸ Puis encores les doit on advertir de la foy de Abraam, de Ysaac et de Jacob |¹⁸⁹ et aussi d’aucuns payens si comme de Job, de Raab, |¹⁹⁰ de Achiol et d’autres semblales, |¹⁹¹ puis encore comme, par foy, les apostres, les martirs, les confesseurs et les vierges [154r] ont vaincu les royaulmes en ce siecle et a la parfin obtenu le royaulme des cieulx. |¹⁹² Saint Bernart dit : |¹⁹³ Fides est primogenita inter virtutes |¹⁹⁴ « Foy entre les vertus est la premiere engendree ». |¹⁹⁵ Et encores plus te diray : |¹⁹⁶ Beatior fuit Maria precipiendo fidem Christi quam carnem Christi |¹⁹⁷ « La benoiste Vierge Marie fut plus benoiste de la foy qu’elle eut de Jhesucrist que de la char de luy ».

|¹⁹⁸ Foy est donc de si grant efficace que par elle communement tous les anciens et pareillement ceulx qui de present sont ont moult pleu et plaisent tousjours a Dieu, |¹⁹⁹ car, comme il est desja dit : |²⁰⁰ Sine fide impossibile est placere Deo |²⁰¹ « Il est chose impossible que sans foy nul puisse plaire a Dieu ».

|²⁰² Le prouffit que nous acquerons de foy est double. |²⁰³ L’ung est que, |²⁰⁴ si come le Sauveur tesmoigne en son euvangille : |²⁰⁵ Omnia possibilia sunt credenti |²⁰⁶ « Toutes choses sont possibles a celuy qui croit ». |²⁰⁷ L’autre est que vraye [154v] foy impetre toutes choses. |²⁰⁸ Ce mesme aussi tesmoigne le Sauveur, disant : |²⁰⁹ Et iterum quodcumque orantes pecieritis credite quod accipietis |²¹⁰ « Toutes choses que vous demanderez par voz oroisons vous obtiendréz se vous avéz foy et creance » |²¹¹ et se vous dittez a aucune montaigne que elle se transmue, elle se transmura, |²¹² si comme firent les montaignes de Caspii, qui se assemblerent et conjoindirent a la priere et oroyson d’Alexandre.

151 Note : Paul, Épitre aux Philippiens, 1, 23
152 Note : Suivent 10 lignes en blanc.
153 Note : Une illustration sur une hauteur de 20 lignes ; le texte reprend sur les 4 dernières lignes
159 Note : Paul, Épitre aux Romains, 6, 19-23
160 Note : Augustin, De Fide et Operibus, I, 15, 24
163 Note : Paul, Épitre aux Hébreux, 11, 6.
166 Note : Jean, 3, 18.
178 Note : Paul, Épitre aux Éphésiens, 4, 26-27
180 Note : Jacques, 4, 7
181 Leçon non conservée : ne me menaces
184 Leçon non conservée : est manque
187 Leçon non conservée : quant vit q.
189 Leçon non conservée : comme dit job
192 Note : Augustin, Sermones, Sermo I, XXI, 11
196 Note : Augustin, De verbis Domini et Apostoli, XVII
200 Note : Paul, Épitre aux Hébreux, 11,  6
209 Leçon non conservée : o. precieritis c. – Note : Marc, 9, 23
212 Leçon non conservée : de Raspii – Note : Suivent 10 lignes en blanc.