[167v] |⁴⁶⁵ La cinqiesme temptacion est la trop grant affliction que l’en a es choses temporelles.

|⁴⁶⁶ Et ceste temptacion [168r] touche plus aux seculiers que aux religieux, car l’amour qu’ilz y ont eu par avant les remort, |⁴⁶⁷ et le dyable d’autre part vient qui leur met devant les biens temporelz, en disant : |⁴⁶⁸ « Le cœur te doit bien faire mal quant il fault que si tost tu habandonnes ta femme, tes enffans, tes amys, tes richesses et tes honneurs mondains ». |⁴⁶⁹ Et ainsi le va temptant pour le faire desvoyer de toutes bonnes cogitacions qu’il doit avoir envers Nostre Seigneur pour son salut.

|⁴⁷⁰ Et doit adonc recourir l’homme a Dieu quant telles vaines cogitacions ou temptacions luy surviengnent. |⁴⁷¹ Et dois oultre penser que toutes les temptacions que le dyable nous baille ne sont que pour nous perdre et mener en dempnacion eternelle.

^|472 Pour quoy les choses temporelles du tout delaisse et metz du tout au derriere, |⁴⁷³ des quelles la memoire ne te peut de riens prouffiter ne aider a ton salut mais destour[168v]ber d’iceluy. |⁴⁷⁴ Et soies memoratif de la parolle de Nostre Seigneur, disant a ceulx qui sont adonnéz et fichéz a tellez choses : |⁴⁷⁵ Nisi quis renunciauerit omnibus que possidet, non potest esse meus discipulus |⁴⁷⁶ « Celuy, fait il, qui ne renoncera a tout ce qu’i possede ne peut estre mon disciple ». |⁴⁷⁷ Et en oultre dit : |⁴⁷⁸ Si quis venit ad me et non odit patrem suum et matrem et uxorem et filios et fratres et sorores et adhuc animamque suam non potest esse meus discipulus |⁴⁷⁹ « Celuy qui vient a moy et ne hait ses pere et mere, sa femme, enfans, freres et seurs |⁴⁸⁰ et sa propre ame ne peut estre mon disciple ».

|⁴⁸¹ Item, a ceulx renoncens aus dittes choses, dit : |⁴⁸² Et omnis qui relinquerit domum vel fratres vel sorores aut patrem aut matrem aut uxorem aut filios aut agros propter nomen, meum centuplum accipiet et vitam eternam possidebit |⁴⁸³ « Celuy qui delaisset et [169r] habandonne sa maison, freres et seurs, pere, mere, sa femme et enfans ou ses heritaiges pour mon nom, cent doubles en recevera et si en aura et possedera la vie eternelle ».

|⁴⁸⁴ Remembre toy aussi de la povreté de Jhesucrist Nostre Saulveur, en la croix pour toy pendent. |⁴⁸⁵ Sa tres amee et benigne mere et ses tres chers disciples pour ton salut voluntairement delaissa et les habandonna.

|⁴⁸⁶ Considere aussi que tant de sainctes et devotes personnes en ceste renonciacion et contempnement des biens et choses seculieres les ont ensuyvy, dignes d’oÿr leurs tres haultes remuneracion : |⁴⁸⁷ Venite, benedicti Patris mei, |⁴⁸⁸ possidete regnim paratum vobis ab origine mundi |⁴⁸⁹ « Venez les benoistz de mon Pere, |⁴⁹⁰ possedés le regne celeste qui vous est appareillé dés le commencement du monde ».

|⁴⁹¹ Soit empraint et noté en cœur : les choses [169v] et totallement les transsitoires boutéz arriere de toy comme venim |⁴⁹² en mectant entierement ta voulenté a povreté voluntaire |⁴⁹³ et ainsi, par la promesse precedente, le royaulme des cieulx t’ofrera Dieu et l’obtendras, |⁴⁹⁴ affermant encore Nostre Seigneur Jhesus, disant : |⁴⁹⁵ Beati pauperes spiritu |⁴⁹⁶ quia ipsorum est regnum celorum |⁴⁹⁷ « Bien eureux sont les pouvres d’esperit, |⁴⁹⁸ car a eulx est le regne des cieulx ». |⁴⁹⁹ Se tu te commetz et metz totallement, il te done richesses pardurables et met et exprent en sa bonté toute ta confidence et salvacion.

|⁵⁰⁰ Et notéz que, quant le malade se sent tempté par avarice et amour des choses terriennes, |⁵⁰¹ doit considerer que celle affection le fait separer et retraire de l’amour Dieu. |⁵⁰² Tesmoing monseigneur saint Gregoire : |⁵⁰³ Tanto quis a superno amore disjungitur, quanto hic inferiis creaturis delectatur |⁵⁰⁴ « De tant est l’omme de l’amour souveraine et [170r] divine separé, d’autant que les personnes basses prent sa delectacion ».

|⁵⁰⁵ Aprés, pense que la voulentaire povreté fait l’omme bien eureux, car par elle l’omme possede le royaulme des cieulx. |⁵⁰⁶ Toutesfois, loable chose est que l’homme dispose des biens que Dieu luy a donné devant sa mort. |⁵⁰⁷ Il luy doit souffire et se contenter que simplement il en dispose tant pour le salut de son ame comme pour ceulx a qui ilz appartendront aprés luy, |⁵⁰⁸ aussi par maniere que plus il ayme sa conscience en la deschargant d’eulx que ses biens en l’aggravant par eulx. |⁵⁰⁹ Puis, quant il a disposé tant du corps que des biens temporelz, il doit laisser aler et eschever toutes cogitacions mondainnes et tant seullement se fermer a celles qui touchent le salut de son ame. |⁵¹⁰ Sur quoy dit Scotus, au quart livre des Sentences : |⁵¹¹ « Se aucun malade, quant bient a mourir, prent [170v] vouloir de mourir en consentant pleinement a la mort et en portant pacientement la paine d’elle,  |⁵¹² il a desja satifait pour tous ses pechiéz veniaulx |⁵¹³ et, qui plus est, porte encore avec soy aucune chose a satifaire pour les pechiéz mortelz ».

|⁵¹⁴ Et pourtant, l’en ne peult myeulx faire que de confermer tousjours sa voulenté a la voulenté de Nostre benoist Sauveur. |⁵¹⁵ Ilz sont toutesvoyes pluseurs qui ne veullent jamais oïr parler de la mort, combien qu’ilz se veent fort aggravéz et se pour aucune vaine esperance qu’il ont de guerrier de leur maladie. |⁵¹⁶ Et telz malades sont perilleux et ont telle oultrecuidance mainteffois ilz s’en vont en mourant povrement tant au regart du monde que de Nostre Seigneur. |⁵¹⁷ Et, ja soit ce que le dyable, par telles et autres semblables temptacions, nuyt [171r] et jour se parforce decevoir l’homme en toutes manieres qu’il peut, |⁵¹⁸ il touteffois n’a nulle puissance sur l’homme tandiz qu’il aura usaige de rayson en soy, |⁵¹⁹ disant sur ce l’Appostre : |⁵²⁰ « Dieu, qui est tres feal, ne souffrera pas que vous soyéz temptéz es choses que vous ne poéz, |⁵²¹ mais il souffrera bien que en ce que vous pouéz, vous soiés temptéz », |⁵²² affin que vous sontenéz les temptacions. |⁵²³ Sur quoy dit la Glose |⁵²⁴ que « Dieu est feal, |⁵²⁵ c’est a dire que Dieu est veritable es choses qu’il nous a promises, |⁵²⁶ car il nous donne grace de resister puissamment, voluntairement, fructueusement et parseveramment. |⁵²⁷ Il nous donne puisance affin que nous ne nous laissions point vaincre, grace affin que nous ayons merite, constance affin que nous vaincons et accroissement de vertu |⁵²⁸ affin que nous puissions son[171v]tenir et que pas ne deffaillons mais puissons vaincre, assavoir par humilité ». |⁵²⁹ Dont dit saint Augustin : |⁵³⁰ « Ceulx ne crievent nullement en la fournoise qui n’ont en eulx nul vent d’orgueil » |⁵³¹ et, pour ce tout pecheur se doit humilier soubz la main de Nostre Seigneur et Dieu, qui est puissant, |⁵³² affin qu’il puisse obtenir victoire moyennant son ayde en toute temptacion, en toute maladie, en toute tribulation, en toute douleur et angoisse jusques a la mort.

465Note : Une illustration sur une hauteur de 20 lignes  le texte reprend sur les 4 dernières lignes.
475Note : Luc, 14, 33.
478Note : Luc, 14, 26
482Leçon non conservée : vel uxores aut – Note : Matthieu, 29, 29
487Note : Matthieu, 25, 34
493Leçon non conservée : cieulx te fera Dieu
495Note : Matthieu, 5, 3
499Leçon non conservée : il te don r. p. et metz et
503Leçon non conservée : hic infirm c. – Note : Grégoire I^er, Homeliae in Evangelia, XXX
511Note : Jean Duns Scot, commentaires du Liber Sententiarum, 4
517Leçon non conservée : par force de cœur l.
520Note : Paul, Première Épitre aux Corinthiens, 10, 13
524Note : Glose de Paul, Première Épitre aux Corinthiens, 1, 9.
530Note : Augustin, Enarrationes in Psalmos, CI
532Note : Suivent 10 lignes en blanc.