[172r] |533 Nous avons dessus veu des temptacions et remedes d’icelles.

|⁵³⁴ Maintenant, des interrogacions [172r] des quelles l’en doit user envers les malades.

|⁵³⁵ Quant doncques ceulx qui sont entour les malades voyent qu’il sont en l’article de la mort, il les doivent reconforter et, en les reconfortant, les doivent doulcement interroguer en charité |₅₃₆ comme veult Ancelme, en leur disant en ceste maniere : |⁵³⁷ « Mon frere, n’as tu pas leesse en toy de ce que tu meurs en la foy de Nostre benoist Sauveur Jhesucrist ? » |⁵³⁸ Le quel doit respondre : |⁵³⁹ « Oïl, se Dieu plaist. » |⁵⁴⁰ – « Ne confesse tu pas que tu n’as pas si bien veesquu en elle comme tu deusses ? » |⁵⁴¹ – « Oïl. » |⁵⁴² – « Ne te repens tu pas de ce ? » |⁵⁴³ – « Oïl. » |⁵⁴⁴ – « N’as tu pas bonne voulenté de toy amender se Dieu te donne espasse de vie ? » |⁵⁴⁵ – « Oïl. » |⁵⁴⁶ – « Crois tu que tu ne peus avoir salvacion si non moyennant la benoiste mort et passion de Nostre Sauveur Jhesucrist ? » |⁵⁴⁷ – « Oïl. »

|⁵⁴⁸ – « Or fais que, en perseverant en ceste bonne disposicion en la [173r] quelle tu es, que, tandy que l’ame est en toy, tu luy rendes incessamment graces. |⁵⁴⁹ Metz en ceste benoiste mort et passion toute ta fiance et non en aucunne autre chose. |⁵⁵⁰ Remetz toy du tout a elle. |⁵⁵¹ Couvre toy du tout d’elle |⁵⁵² et, se ainsi est que Nostre Seigneur te vueille juger, dy : |⁵⁵³ ‘Je metz la mort de Nostre benoist Sauveur Jhesucrist entre toy et moy et ton jugement et ne vueil |⁵⁵⁴ aultrement contre toy plaidoyer.’ |⁵⁵⁵ S’il te dit que tu as deservi dempnacion, dy : |⁵⁵⁶ ‘Je metz la mort de Nostre benoist Sauveur Jhesucrist entre toy et moy et mes merittes et offre le merite de sa tres digne passion ou lieu du merite que je deusse avoir et le quel je doubte avoir.’ |⁵⁵⁷ Et s’il dit |⁵⁵⁸ ‘Et aussi ne l’auras tu pas’, |⁵⁵⁹ dy de rechief |⁵⁶⁰ ‘Je metz la mort de Nostre benoist Saulveur Jhesucrist entre moy et ton ire.’ |⁵⁶¹ Puis dy par troys fois : |⁵⁶² In manus tuas, Domine, 173v] commendo spiritum meum. |⁵⁶³ Redemisti me, Domine Deus veritatis. »

|⁵⁶⁴ Et combien ces interrogacions appartiennent a faire a religieux ou personnes ecclesiasticques, |⁵⁶⁵ nëautmoins, chascun bon chrestien seculier les peut faire en deffault de personne ecclesiasticque, selon que le Chancelier de Paris dit.

|⁵⁶⁶ En aprés, on le doit encore interroguer et luy faire les autres interrogacions qui s’ensieuvent quant l’en voit qu’il est constitué en l’article de la mort.

|⁵⁶⁷ La premiere :

|⁵⁶⁸ « Crois tu tous les principaulx poins et articles de la foy et l’exposicion des sainctz docteurs de sainte Eglise tant sur yceulx articles que sur la sainte Escripture ont faicte, |⁵⁶⁹ en detestant toutes heresies, toutes erreurs et faulces religions, les quelles sont reprouvees de l’Eglise ? » |⁵⁷⁰ Si doit dire : |⁵⁷¹ « Oïl, se Dieu plaist. » |⁵⁷² – « N’es tu pas bien leés de ce que tu meurs en la foy de Nostre [174r] Sauveur Jhesucrist et en unité et obeissance de nostre Mere saintte Eglise ? » |⁵⁷³ – « Oïl, se Dieu plaist. »

|⁵⁷⁴ La seconde :

|⁵⁷⁵ « Recongnois tu que tu as souvent et tres griement offensé ton Createur ? » |⁵⁷⁶ – « Oïl. » |⁵⁷⁷ Car aussi saint Bernard dit : |⁵⁷⁸ « Je sçay que nul ne peut estre sauvé sans la congnoissance, car d’elle naist la mere de salut, assavoir humilité et cremeur de Nostre Seigneur ». |⁵⁷⁹ Le quel cremeur, si comme il est commencement de sapience, ainsi est il commencement de salut.

|⁵⁸⁰ La tierce interrogacion :

|⁵⁸¹ « As tu douleur et desplaisir en toy de tous tes pechéz que tu as commis contre la divine majesté et contre sa bonté et son amour |⁵⁸² et de ce que tu as oublié de faire bonnes œuvres et desprisié les graces ? » |⁵⁸³ – « Oïl. » [174v] |⁵⁸⁴ – « As tu douleur non seullement de ce que tu as doubté de la mort ou de quelconque paine que tu ayes a souffrir, mais aussi par regart de l’amour de Dieu et de justice en charité, par la quelle nous sommes tenuz d’amer Dieu sur toutes choses ? » |⁵⁸⁵ – « Oïl. » |⁵⁸⁶ – « Demandes tu sur toutes ces choses pardon ? » |⁵⁸⁷ – « Oïl. » |⁵⁸⁸ – « Ne desires tu pas humilier ton cœur a la congnoissance de tes oubliéz afin que plus espiciallement tu en puisses avoir repentence ? » |⁵⁸⁹ – « Oïl. »

|⁵⁹⁰ La quarte interrogacion est telle :

|⁵⁹¹ « Es tu en propox de toy veritablement vouloir amender se Dieu te donnoit espace de plus longuement vivre et que jamais tu ne pecheroies, au moins mortellement, a ton sachant ou de propox, |⁵⁹² ains despriseroies toutes choses vaines et plus aymeroies perdre la vie corporelle que nullement par pechié mortel offendre Dieu ? » [175r] |⁵⁹³ – « Oïl. » |⁵⁹⁴ – Ne pries tu pas Dieu qu’i te doint grace de perseverer en ce propox ? » |⁵⁹⁵ – « Oïl. »

|⁵⁹⁶ La .v^e. :

|⁵⁹⁷ « Pardonnes tu de bon cœur a chascun et mesmement a ceulx qui te peussent avoir offensé ou injurié de fait ou de parolle, en quelque maniere que ce soit, |⁵⁹⁸ et se par amour et reverence de Dieu, du quel aussi tu actens pardon, |⁵⁹⁹ en demandant pareillement a ceulx que peux avoir aucunnement, de fait ou de parolles, offensé ? » |⁶⁰⁰ – « Oïl. »

|⁶⁰¹ La .vi^e. :

|⁶⁰² « Veulx tu que les choses que tu as prises ou mal acquises ou que tu detiens indeuement soient restituéz si comme tu en es aussi tenu selon tes faultes |⁶⁰³ jusques a faire cession des biens et renoncer plainement a eulx ? |⁶⁰⁴ Considere mesment que, comme dit l’Apostre : |⁶⁰⁵ ‘Le pechié ne se peut remectre qui ne fait restitucion de ce que l’en a pris ou que l’en detient indeument de [175v] l’autruy’. »

|⁶⁰⁶ La septiesme

|⁶⁰⁷ « Crois tu que Jhesucrist soit mort pour toy et que autrement tu ne peues estre sauvé |⁶⁰⁸ sinon par le merite de sa benoiste passion |⁶⁰⁹ en luy rendant de ce humblement graces ? » |⁶¹⁰ – « Oïl. »

|⁶¹¹ Si est ainsi que tout pacient qui pourra respondre a ses interrogacions affirmativement, en bonne foy et conscience, sans faintise, certainement l’en peuet de luy prendre tant bon argument de salut |⁶¹² et que, s’il meurt en ceste maniere, il est du nombre des sauvéz. |⁶¹³ Et, se, par adventure, le pacient ne peut avoir entour soy qui luy face ses interrogacions, pour ce mesmement que chascun n’a pas le sens ne le savoir, |⁶¹⁴ il se doit convertir a soy mesme et les fair entre soy et au plus gracieusement se disposer a elles en tousjours ramentevant la passion de Nostre benoist Sauveur et en se recommandant a elle, |⁶¹⁵ car [176r] sans telle disposicion nul ne peuet avoir salut. |⁶¹⁶ Et, s’il se dispose a elle de bon cœur, il surmontera et vaincra toutes temptacions dyabolicques et mondaines eureusement, |⁶¹⁷ aussi par maniere que la couronne luy sera apprestee et donnee qui est promesse a ceulx qui loyalleront en perseverant jusques en la fin.

533 Note : Une illustration sur une hauteur de 20 lignes ; le texte reprend sur les 4 dernières lignes
537 Leçon non conservée : Monsre re na – Note : Anselme de Cantorbéry, Cur Deus homo ?
544 Note : Entre amender et se, oil biffé.
549 Leçon non conservée : Mais en c.
562 Note : Psaumes, 30, 6.
569Leçon non conservée : reprouvez
572Leçon non conservée : sauver j.
578 Note : Bernard de Clairvaux, Sermones in Cantica canticorum, XXXVII, 1
583 Note : Entre ⁵⁸³ et ⁵⁸⁴, au bas du feuillet 174r, le ms. donne 584 avec des variantes : As tu douleur de cœur de tous tes pechiez que tu as comis contre la majesté de Dieu et son amour et bonté et des biens que tu as obliéz et des graces que tu as desprisees ? Oïl.
605 Leçon non conservée : de répété au début du verso – Note : Référence à Paul non identifiée.
617Leçon non conservée : aussi pa m.