|⁶¹⁸ Le chapiltre des intructions que l’en leur doit faire, et cetera.

|⁶¹⁹ Dit avons dessus des interrogations. |⁶²⁰ Maintenant dirons des instructions que l’en doit faire a ceulx qui labeurent en l’article de la mort.

|⁶²¹ Saint Gregoire dit : |⁶²² « Toute action de Jhesucrist, c’est a dire toute œuvre qu’i fist, luy estant en ce monde, est nostre instruction. » |⁶²³ Et, pour ce, chascun bon catholicque le doit ensieuvir es choes qu’il fist mourant en la croix. |⁶²⁴ Il fist cincq choses entre les autres.

|⁶²⁵ La premiere : il fist a Dieu oroyson. [176v] |⁶²⁶ Et, selon ce que aucuns dient, il dist ces pseaulmes ensuivans, assavoir : |⁶²⁷ Deus meus, respice in me, |⁶²⁸ jusques a ce vers qui est au huityesme pseaulme continuellement ensuivant, |⁶²⁹ In manus tuas, Domine, commendo spiritum meum.

|⁶³⁰ La seconde : il fist une exclamacion a Dieu.

|⁶³¹ La tierce : il pleura.

|⁶³² La quarte : il recommanda son ame a Dieu.

|⁶³³ La .v^me. : il la luy remist, si comme les saintz Euvangilles le tesmoignent.

|⁶³⁴ Et c’est pour nous monstrer que pareillement nous devons faire quant nous sommes en l’article de la mort, |⁶³⁵ car alors nous devons faire priere a Dieu |⁶³⁶ et, se ne le pouons faire de bouche, autmoins le doit on faire du cœur, |⁶³⁷ car, comme dit Ysidore : |⁶³⁸ « Il vault mieulx faire oroison a Dieu de cœur quoyement sans nul son de voix qu’il ne fait de voix et de parolles, qui n’a la pensee entierement a Dieu ».

[177r] |⁶³⁹ La seconde : il doit crier mercy en gemissant tres fort pour ses pechiéz se il en a la puissance et pouoir et, s’il ne l’a, il souffist qu’il crie de cœur, |⁶⁴⁰ car aussi Dieu regarde plus le desir du cœur qu’il ne fait la clamour de voix, |⁶⁴¹ car crier de cœur n’est autre chose que forment desirer remission de ses pechiéz avec eternelle vie.

|⁶⁴² La tierce : il doit pleurer non mie des yeulx charnelz mais des larmes du cœur, c’est assavoir en ayant contriction et repentence de ses pechiéz.

|⁶⁴³ La quarte : il doit recommander son ame a Dieu en disant le susdit vers, assavoir : |⁶⁴⁴ In manus tuas, Domine, commendo spiritum meum.

|⁶⁴⁵ La .v^e. : que aprés ce qu’il la luy aura recommandee, il la luy doit remectre |⁶⁴⁶ et, affin qu’il se conferme a la divine voulenté, il doit desmonstrer qu’il meurt voulentiers.

|⁶⁴⁷ Et, s’il est ainsi qu’il puisse avoir la parolle et l’usaige [177v] de rayson, il doit dire les oroisons et prieres qui s’ensuivent.

|⁶⁴⁸ Oroyson.

|⁶⁴⁹ O souveraine Deïté, inmesuree bonté, tres clement et tres glorieuse Trinité, souveraine dilection, souveraine ame, souveraine charité, aies pitié et mercy de moy, povre pecheur. |⁶⁵⁰ Mon Dieu, mon Createur et mon Seigneur, je te recommande a avoir d’uy a tousjours mais mon esperit. |⁶⁵¹ Haa, tres piteux Pere de misericorde, fay misericorde a ceste ta creature tres povre ! |⁶⁵² Soyes moy maintenant en ayde |⁶⁵³ et, en ma derreniere necessité, soyes secourable a mon ame que les felons corbeaux d’enfer ne la dommaigent ne devorent nullement.

|⁶⁵⁴ Haa, tres doulx et tres desiré Seigneur et mon benoist Sauveur Jhesucrist, filz de Dieu le vif, a toy recours, te suppliant tres humblement |655 qu’il te plaise moy donner et octrier que mon ame, quant [178r] departira de ce corps miserable, soit receue et mise entre le nombre des compaignies des beneureux. |⁶⁵⁶ Haa, mon benoist Sauveur et mon Redemptor, je me rendz du tout a toy. |⁶⁵⁷ Ne me reffuse pas, car je viens a toy. |⁶⁵⁸ Ne me repelle pas, car je recours a toy.

|⁶⁵⁹ Oroyson.

|⁶⁶⁰ Haa, tres doulx Seigneur Jhesucrist, tu sces que je desire ton paradis, non mye par mes merites, car je ne suis sinon cendre et pouldre et tres grief pecheur, |⁶⁶¹ mais le desire en la vertu de ta tres sainte passion par la quelle tu m’as rachaté, aussi par la grant effusion de ton precieux sang me donner ton paradis.

|⁶⁶² En aprés doit dire par plusieurs fois ou au moins par trois fois ces vers : |⁶⁶³ Dirrupisti, Domine, vincula mea. |⁶⁶⁴ Tibi sacrificabo hostiam laudis et nomen Domini invocabo. |⁶⁶⁵ Car, selon que Cassiodorus dit, ce vers est de si tres grant vertu que, de par [178v] luy, se remettent les pechiéz se l’en le dit de bon cœur en la fin des ses jours, en vraie confession, en vraye contriciton et en vraye repentence de ces pechiéz.

|⁶⁶⁶ Aultre oroison.

|⁶⁶⁷ Hes, doulx Seigneur Jhesucrist, filz de Dieu le vif, ayes mercy de moy par celle grieve amertume la quelle tu souffris a l’eure de ta mort en la croix pour moy et mesmement quant ta tres sainte ame departy de ton precieux corps. |⁶⁶⁸ Haa, tres piteux Jhesus, pardonne, s’il te plaist, a ceste miserable ame qui travaille a la mort, quant du corps departira.

|⁶⁶⁹ En aprés, quant ces oroisons sont ainsi dittes, il doit aussi invocquer et souvent et tres instamment reclamer de tout son cœur la glorieuse Vierge Marie, |⁶⁷⁰ la quelle est tousjours advocate des pecheurs ne jamais cesse de interceder a impetrer grace [179r] pour eulx : |⁶⁷¹ « Reconseille moy, povre pecheur, a ton benoist filz, impetre pour moy indigne pecheur sa clemence tellement que, pour l’amour de toy, il me face remission de mes pechiéz, |⁶⁷² moyennant la quelle je puisse parvenir a la grace des beneureux. »

|⁶⁷³ En aprés doit on aussi adresser son oroison aux anges des cieulx, disant en ceste maniere :

|⁶⁷⁴ « O esperitz des cieulx, tres beneuréz angelez, venéz a moy et soyéz emprés moy quant de ce siecle departiray. |⁶⁷⁵ Deffendéz moy et delivréz de tous agaitz de mes adversaires et recevéz mon ame en vostre compaignie et mesmement entre les autres angeles. |⁶⁷⁶ Tu, ange qui m’as esté donné de Dieu en garde, monstre toy estre telle garde que a Dieu tu me puisses sauvement offrir et presenter. »

|⁶⁷⁷ Puis doit ramentevoir les [179v] appostres, les martiers et les confesseurs et autres saintz de Dieu et pareillement leur adressier son oroison |⁶⁷⁸ et mesmement aux saintz qu’il a eu, luy estant en santé, plus en devocion.

|⁶⁷⁹ Item aussi die par trois fous ces parolles ou les semblables, les quelles saint Augustin commande pour tres espiciaulx : |⁶⁸⁰ Pax Domini Nostri et virtus passionis ejus et signum sancte crucis et integritas et humilitas beatissime Marie Virginis et benedictio omnium sanctorum et sanctarum, custodia angelorum |⁶⁸¹ necnon suffragia omnium electroum sint inter me et omnes inimicos meos, visibiles et invisibiles, in hac hora mortis mee. |⁶⁸² Amen.

|⁶⁸³ Exposision.

|⁶⁸⁴ « La paix de Nostre benoist Sauveur Jhesucrist et la vertu de sa passion et le signe de la croix et la integrité et humilité de la tres beneuree Vierge Ma[180r]rie |⁶⁸⁵ et la benediction de tous les sains et de toutes les sainctes et la garde des angrez et les suffrages et merites des esleuz |686 soient maintenant et a l’eure de la mort entre moy et mes ennemis, visibles et invisibles. |⁶⁸⁷ Amen. »

|⁶⁸⁸ Et, quant aura dictes ces parolles, il y adjoindra et dira par troys fois ce vers : |⁶⁸⁹ Largire clarum vespere quod vita nusquam decidat sed premium mortis sacre perheni pius instet gloria |⁶⁹⁰ « Octray moy au derrain de mes jours la vie qui jamais ne deffault et que je puisse obtenir la gloire qui est pardurable pour le loyer de vraye mort. » |⁶⁹¹ Et, se ainsi est que le malade soit tant oppressé de sa maladie que les susdictes oroysons ne puisse dire, |⁶⁹² lors les luy doit dire aucun de ceulx qui sont entour en changant ou muant les choses qui sont a changer ou parler. |⁶⁹³ Et en ceste maniere s’il rend l’esperit a Dieu, l’en doit avoir bonne esperance de [180v] luy et de sauvacion.

622 Note : Le passage cité renvoie en réalité à Thomas d’Aquin, Lectura in Iohannis evangelium, XI, 6.
627 Note : Psaumes, 21, 1
628 Note : Il faut comprendre ‘les vers des huit psaumes suivants’ jusqu’au vers In manus…
629 Note : Psaumes, 30, 6
635 Leçon non conservée : a dueu
638 Note : Ysidore de Séville, Opera omnia, De oratione, VII, 4
644 Note : Psaumes, 30, 6
655 Leçon non conservée : compaigniee
663 Note : Psaumes, 115, 1617
664 Note : Psaumes, 115, 8.
689 Note : Vers attribués traditionnellement à saint Ambroise.