|¹⁹⁸ La tierce temptation que fait le dyable au malade : de impatience.

|¹⁹⁹ Tiercement, le dyable tempte l’omme par impatience, la quele s’engendre de grande maladie, disant : |²⁰⁰ « Pourquoy tu, meschant, sueffres ceste grieve dolour qui est intolerable a toute creature et a toy du tout inutile ? |²⁰¹ Ne aussi par tes dessertes tu ne dois pas avoir tant de doleur, |²⁰² car il est escript |²⁰³ que ‘Es paines doit estre faitte plus benigne et gracieuse interpretation’. |²⁰⁴ Et, avec ce, qui est chose plus grieve, il n’est aucun qui ait compassion de toy, qui est contre raison et faire ne se [8v] doit, nul ne doubte, |²⁰⁵ car, combien que les amis ayent de toy compassion de bouche, toutesfois ilz, de toute leur pensee, desirent instaument ta mort pour avoir les biens qui aprés ta mort demourront. |²⁰⁶ Et, qui plus est, l’ame de ton corps departie, a pou vouldront tes hoirs herbegier icellui par l’espace d’un jour pour toute ta substance qui leur est demouree. »

|²⁰⁷  Par telz et samblables enhortemens qui tendent a impacience et qui directement sont contre charité, |²⁰⁸ par la quele nous sur toutes choses sommes tenu d’amer Dieu, se efforce le dyable mener l’omme ad ce qu’il perde ses merites. |²⁰⁹ Notes que cellui qui doit morir a souvent moult grant doleur corporelle, |²¹⁰ principalement pour ce qu’ilz ne meurent point de mort naturele, |²¹¹ si comme l’experience l’enseigne manifestement, |²¹² car les aucuns meurent souvent par mort accidentale, comme de fievres ou d’apostumes ou d’autres maladies grieves et longues, |²¹³ par leur mauvais gouvernement. |²¹⁴ Les queles maladies sont souvent cause que les personnes ne sont pas disposees a bonne pacience [9r] et prendre en gré la mort, |²¹⁵ ains murmurent et par impacience renoyent et despitent celui qu’ilz deveroient evoquier et appeler comme cellui qui leur est souverain medecin et au corps et a l’ame. |²¹⁶ Et a ce les amaine le dyable affin que leur fin soit tele comme a esté leur vie. |²¹⁷ Ceste chose a souvent esté veue en pluiseurs, dont c’est dommage irreparable. |²¹⁸ Pour quoy il appert que telz hommes deffaillent en charité, |²¹⁹ comme tesmoigne monseigneur sainct Jheromme, disant : |²²⁰  « Se aucun sueffre grant doleur en sa maladie ou en sa mort, c’est signe qu’il n’a pas amé Dieu souffisanment ». |²²¹ Et sainct Pol dist : |²²²  « Charité est paciente et benigne. »

|²²³ Bonne inspiration que donne l’angele de pacience contre la precedente temptaiton de impacience.

|²²⁴ Contre la tierce temptacion que le dyable a fait au malade de impacience donne l’angele inspiration, disant : |²²⁵ « O homme, tourne toy et si oste de impacience ton coraige, par la quele le diable, par ses morteles instigations, ne quiert [9v] autre chose que le detriment de ton ame, |²²⁶ car par impacience et murmure l’ame se pert ainsi comme par la pacience on la possesse et retient, |²²⁷ tesmoing sainct Gregoire, qui dist : |²²⁸  ‘Nul murmurant puet avoir le royaume des cieulx.’ |²²⁹ Toy doncques, n’ayes regart a ta maladie qui t’est moult legiere au regart de ce que tu as deservi par tes demerites et ne te vueilles ennoyer |²³⁰ comme elle te soit comme un purgatoire devant la mort, |²³¹ voire se tu le porte paciemment pour l’onneur de Dieu comme il appartient, sans murmure, |²³² car il n’est pas seulement aggreable ne necessaire de porter les choses qui sont a consolation |²³³ mais aussi de porter paciemment les choses qui sont d’affliction, |²³⁴ comme dist sainct Gregoire : |²³⁵ ‘Nostre Seigneur envoie a l’omme misericordieusement la severité temporele affin qu’il ne enchiee en la vengance eternele et tourment pardurable.’ |²³⁶ Et monseigneur sainct Augustin dit a ce propos : |²³⁷  ‘Sire Dieu omnipotent, soit ton plaisir de moy ici bruler et tourmenter affin que me pardonnes eternelement.’ [10r] |²³⁸ Ne te vueilles doncques troubler des tribulations de cest monde, car ilz te demonstrent que tu ne dois relenquir ne delaissier Jhesucrist, |²³⁹ comme dist sainct Augustin : |²⁴⁰  ‘Les maulz qui nous punissent en ce monde nous constraingnent aller a Dieu.’ |²⁴¹ Ainsi donques le salut de l’ame n’est pas es plaisances de la char mais plus tost eternele dampnation. |²⁴² Jouxte sainct Augustin, qui dit : |²⁴³  ‘Le plus manifeste signe de dampnation est quant l’omme joÿst de tous ses plaisirs et est amé du monde.’ |²⁴⁴ Et derechief il dit : |²⁴⁵  ‘Et se donne merveilles que les pierres ne s’eslievent en solas de ceulx qui doivent estre eternelement dampnés, |²⁴⁶ mais aincoires se donne il plus grant merveilles que icelles meismes pierres ne s’eslievent ou peril et detriment de ceulx qui doivent eternelement estre sauvés.’ |²⁴⁷ Enchasse doncques et deboute de toy impacience comme pestilence violente et contagieuse |²⁴⁸ et prens pacience, tres fort escu par le quel tous les ennemis de l’ame sont legierement surmontés, |²⁴⁹ et regarde le tres pacient Jhesucrist et tous les sains martirs jusques a la mort. |²⁵⁰ Notes que, quant le malade se sent tempter [10v] par impacience, il doit premierement considerer qu’elle est moult nuisible a l’omme, |²⁵¹ car, par lui troubler et couroucier, il se depart de Nostre Seigneur, |²⁵² comme il meismes dist : |²⁵³  ‘Sur qui reposera mon esperit fors sur cellui qui est paisible et humble de cuer.’ |²⁵⁴ Il considere secondement que pacience est et doit estre gardee par grand sollicitude premierement, car elle est neccessaire. |²⁵⁵ A ce propos dit sainct Pol : |²⁵⁶  ‘Pacience vous est moult neccessaire a parvenir ou royame des cieulx.’ |²⁵⁷ Et David dist |²⁵⁸ qu’il convenoit a Jhesucrist souffrir la mort et ainsi par celle pacience entrer en sa gloire. |²⁵⁹ Et sainct Gregoire dist : |²⁶⁰  ‘Jamais concorde ne se puet garder fors par pacience.’ |²⁶¹ Secondement, car elle est prouffitable, |²⁶²  comme dist Nostre Seigneur : |²⁶³  ‘En vos paciences vous possiderés vos ames.’ |²⁶⁴  Et sainct Gregoire dit : |²⁶⁵  ‘Porter choses adverses est de plus grant merite que de soy traveillier en bonnes euvres.’ |²⁶⁶ Et oultre dist : |²⁶⁷  ‘Sans fer, c’est a dire sans l’effusion de nostre sang, nous pouons bien estre martirs |²⁶⁸ se vraiement nous portons en nostre corage pacience.’ |²⁶⁹ Et Salomon dist |²⁷⁰ que ‘L’omme patient [11r] est meilleur de l’omme fort. |²⁷¹ Et cellui qui domine son corage est plus fort de cellui qui assault par batailles les cités.’ »

²⁰⁰ Leçon non conservée : g. dlour qui ; toute reeature et
²⁰³ Note : Boniface VIII, De Regulis Juris, regula 49
²⁰⁵ Variante de Q : toutefois
²⁰⁹ Variante de Q : Notez
²²⁰ Note : Référence à Jérôme (ou parfois à Jean) non identifiée
²²² Note : Paul, Première Épitre aux Corinthiens, 13, 4
²²⁴ Variante de Q : fait a malade
²²⁵ Variante de Q : quierent
²²⁸ Note : Grégoire I^er, Homeliae in Evangelia, XIX
²²⁹ Variante de Q : ayez
²³⁵ Note : Grégoire I^er, Homeliae in Evangelia, XIX
²³⁷ Note : Grégoire I^er, Epistula ad Marcellum, V
²⁴⁰ Note : Grégoire I^er, Moralia in Job, XXVI, 24
²⁴³ Note : Pseudo-Eusebius Cremonensis, De morte Hieronymi ad Damasum, XXV
²⁴⁵ Note : Pseudo-Eusebius Cremonensis, De morte Hieronymi ad Damasum, XXV
²⁴⁶ Variante de Q : doivent eternelement estre
²⁵³ Note : Ésaïe, 66, 1-2
²⁵⁶ Note : Paul, Épitre aux Hébreux, 10, 36
²⁵⁸ Note : Luc, 24, 26
²⁶⁰ Note : Grégoire I^er, Moralia in Job, XXI, xxi, 33
²⁶³ Note : Luc, 21, 19
²⁶⁵ Note : Grégoire I^er, Homeliae in Evangelia, II, XXXV, 7
²⁶⁶ Variante de Q : En oultre
²⁶⁷ Note : Grégoire I^er, Homeliae in Evangelia, II, XXXV, 7
²⁷⁰ Note : Proverbes, 16, 32