|³⁸³ L’ordonnance et maniere qui est necessaire a tenir envers les agonizans et ceulx qui labeurent a la mort.

|³⁸⁴ De cellui qui est en ses derrenieres paines, puet on, a raison et usage de parler, |³⁸⁵ dye ses oroisons et devotions en invocant Dieu |³⁸⁶ premierement qu’il, par son ineffable misericorde et par la vertu et merite de sa benoite passion, lui plaise et daigne recevoir en sa merci. |³⁸⁷ Secondement, il doit diligentement invocquier et appeler la benoite et glorieuse Vierge Marie |³⁸⁸ affin qu’elle soit en son ayde et moien envers son tres chier filz Jhesucrist, nostre benoit Redempteur.

|³⁸⁹ Puis doit appeler tous les [16r] sains angeles de paradis et principalement cellui qui lui fut deputé pour sa garde, |³⁹⁰ en aprés les sains apostres, confés et vierges et plus especialement ceulx les quelz il en sa vie et santé avoit servi et honnouré et les plus amés, |³⁹¹ les ymages des quelz avec celle du crucifix et de la Vierge Marie lui doivent estre presentés et mis en sa veue. |³⁹²Item, il doit dire ou autrui pour lui trois fois cestui vers du psaultier : |³⁹³Disrupisti, Domine, vincula mea. |³⁹⁴Tibi sacrificabo hostiam laudis, et cetera. |³⁹⁵ qui est a dire en francois : |³⁹⁶  « Sire et mon benoit Createur, tu as rompu mes loyens, c’est a dire mes pechiés, |³⁹⁷ pourquoy je sacrefierai a toy hostie de loenge et je invocqueray le nom de Nostre Seigneur. » |³⁹⁸ Cestui vers, comme dist Cassiodore, est de si grant vertu que, se on le dit en la fin en vraie contrition et confession, on croit que tous les pechiés de l’omme soient pardonnés. |³⁹⁹ En oultre, dye trois fois ces parolles ou samblables qui sont escriptes, comme l’en dist, en la Somme de sainct Augustin : |⁴⁰⁰ « La paix de Nostre benoit Sauveur Jhesucrist et la vertu de sa saincte passion et le seigne de la saincte croix et l’integrité de la [16v] glorieuse Vierge Marie |⁴⁰¹ et la benediction de tous sains et sainctes, la garde des sains angeles, aussi les suffrages de tous les esleus de Dieu |⁴⁰² soient entre moy et tous mes anemis visibles et invisbles en ceste heure de ma mort. |⁴⁰³Amen. » |⁴⁰⁴ Et derrenierement dye le malade ou autre pour lui se dire ne le puet : |⁴⁰⁵In manus tuas, Domine, commendo spiritum meum, |⁴⁰⁶  « Sire, en tes mains commande mon esperit », |⁴⁰⁷ et le dire a haute voix. |⁴⁰⁸ Se le malade ne scet ou ne puet dire les dictes oroisons, |⁴⁰⁹ soit aucuns des assistens qui a haute voix devant lui dye oroisons et hystoires devotes es queles en sa vie et santé, il avoit eu singuliere devotion |⁴¹⁰ et il en son cuer prie en grand desir pour la misericorde divine en tant qu’il puet et a aincoires entendement. |⁴¹¹ Notes que pour ce que tout le salut et sauvement de l’ome gist en sa fin, |⁴¹² un chascun doit songnier et estre soliciteux soi pourveoir d’un loial ami et devot, ydone et sage, |⁴¹³ le quel en son extremité l’accompaigne loyalment et l’incite et encorage a estre constant en la foy, pacient et perseverant en devotion |⁴¹⁴ et qui face devotes prieres et oroisons [17r] pour lui |⁴¹⁵ et l’ammonneste de endurer paciemment la mort pour l’amour de celle que Nostre Sauveur Jhesucrist souffrit pour luy, |⁴¹⁶ mais, lasse, pou sont au jour d’huy |⁴¹⁷ qui assistent ou compaignent loyalment leurs prochains amis pour les ammonnester ou informer de leur salut ! |⁴¹⁸ Ains, plus tost les visitent affin de tirer d’eulx leurs richesses ou aucuns autres dons a leur singulier prouffit ou de leur conforter du retour et que point ne morront de ceste maladie. |⁴¹⁹ Par quoy il avient souvent que les povres maleureux meurent improuveus, dont leur ame sont miserablement peries.

³⁸⁴ Variante de Q : en (aprés devocions) manque
³⁸⁶ Variante de Q : daigne a recevoir a sa merchy
³⁹² Leçon non conservée : secrificabo ; landis ; et se i. ― Variantes de Q : secrificabo ; landis ; etc remplacé par et nomen Domini invocabo
³⁹³ Note : Psaumes, 115, 16-17
³⁹⁴ Note : Psaumes, 115, 8
³⁹⁵ Note : Psaumes, 115, 16-17
³⁹⁶ Note : Psaumes, 115, 8
³⁹⁹ Variante de Q : en psalme saint
⁴⁰⁰ Leçon non conservée : Jhesucrist a la ― Variantes de Q : Jhesucrist a la v. de la saincte p. ; de sa saincte c.
⁴⁰¹ Leçon non conservée : aussi ses s.
⁴⁰⁵ Note : Psaumes, 30, 6
⁴¹⁰ Variantes de Q : Notez ; sa (aprés en) manque
⁴¹³ Leçon non conservée : laccopaigne – Variante de Q : et l’encorage
⁴¹⁵ Leçon non conservée : nostre sanueur i souffrii p.