|¹³¹ Cy commence le livre intitulé L’Art de mourir.

[av rb] |¹³² Quanvis secundum Philozophum, et cetera. |¹³³ Selon que dit le Philozophe ou tiers livre de Ethiques en parlant des choses terribles et espouentables qui au monde peullent advenir, |¹³⁴ « le plus terrible cas qui puisse advenir a l’home est la mort, |¹³⁵ car la mort est abolicion de tous biens ». |¹³⁶ Et pour tant dit il ou Livre du desprisement du monde : |¹³⁷ Mors resecat, et cetera |¹³⁸ « La mort trenche et abat grans, petis, jeunes, vielz, povres, riches, roys, ducs, contes, princes, barons, chevalliers, dames, damoiselles et generalement toutes choses que nature a creés.’ |¹³⁹ Pour tant est elle bien terrible. |¹⁴⁰ Laquelle chose bien pouons clerement congnoistre si nous regardons aux fais de Alexandre le Grant, qui, par armes et force corporelle, fut dit avoir conquesté la monarchie du monde et sur tout dominer |¹⁴¹ si que jamais ennemy, tant fort fust, ne trouva qui le peust supperer. |¹⁴² Et toutes fois, mort sans fer ne armures le suppera et le mist si bas que toute la puissance que il avoit ne le peult preserver ne garder.

|¹⁴³ Et pour tant, bien vray, dit le Philozophe, que, |¹⁴⁴ « de toutes les [av va] choses terribles qui sont au monde, la mort est le plus. » |¹⁴⁵ Par quoy elle est bien a doubter. |¹⁴⁶ Et n’est pas de merveilles si les saiges gens contemplatifz la doubtent, |¹⁴⁷ car c’est ung voyage incongneu du quel l’un amy ne peult venir dire ou mander nouvelles a l’autre. |¹⁴⁸ Pour tant est ce que les grans et saiges gens la doubtent et different a le passer le plus qu’ilz peuent. |¹⁴⁹ Si que, quant ilz sentent l’un des messaigiers de elle, comme fievres, alteracions et autres malladies qui pourroyent estre inductives de mort, ilz vont soubdainement au remede pour avoir medecines respitantes pour prolongier leur vie, |¹⁵⁰ pour tant qu’ilz sçaivent bien que la mort est la plus terrible chose et la plus abominable qui puisse advenir. |¹⁵¹ Et ce dit le Philozophe en parlant de la mort naturelle qui est separacion du corps et de l’ame, |¹⁵² mais, oultre ceste mort corporelle qui tant est cruelle et terrible, disent les docteurs contemplatifz de nostre foy qu’il est une autre mort, nommee la mort de l’ame, |¹⁵³ qui sans comparaison est plus terrible et plus abominable que la mort corporelle. |¹⁵⁴ Ce que appreuve [av vb] monseigneur saint Augustin, disant : |¹⁵⁵Majus est damnum in ammisione unius anime quam mille corporum. |¹⁵⁶ Dit monseigneur saint Augustin : |¹⁵⁷ « Plus grant est le dommage d’une ame qui est perdue et morte par damnacion qu’il n’est de la mort de mille corps mors de mort corporelle et par abolicion. » |¹⁵⁸ Ce dit aussi monseigneur saint Bernard : |¹⁵⁹Totus iste mundus ad unius anime precium estimari non poteste, |¹⁶⁰ c’est a dire que « Tout ce monde, tant plain de richesse qu’il soit, n’est digne de estre estimé par aucune estimacion au pris d’une seule ame. » |¹⁶¹ Voulant dire que une seule ame creé a la semblance de Dieu est plus noble et plus digne que tout le monde, |¹⁶² par quoy la mort et perdicion d’icelle est plus terrible et plus merveilleuse que la perdicion de tout le monde. |¹⁶³ Et pour ceste cause dit le docteur contemplatif qui ce present livre a composé : |¹⁶⁴Cum ergo anima tante preciositatis existat, et cetera. |¹⁶⁵ « Comme ainsi soit doncques que l’ame soit de si grande valleur et dignité » |¹⁶⁶ que la perdicion d’elle est plus grande que la perdicion de tout le monde, la mort de elle est bien a doubter, [avi ra] |¹⁶⁷ la quelle a toute heure procure le faulx ennemy d’enfer voulant traire a damnacion perpetuelle tous les humains avecques luy. |¹⁶⁸ Et specialement les plus grans infestacions de tentacion que il donne a la creature, |¹⁶⁹ c’est a l’heure de la mort corporelle |¹⁷⁰ et quant il voit que le pacient est debilité de maladie et que, par la vehemence de la douleur que il sent, son entendement se perturbe, |¹⁷¹ esperant tousjours celluy faulx ennemy par sa mauldicte admonicion faire mourir l’ame avecques le corps. |¹⁷² Par quoy il est bien de necessité que tout homme saige ayt, en l’extreme maladie et a l’heure qu’il fauldra que mort separe le corps et l’ame, |¹⁷³ que il ayt l’Art de bien mourir, du quel le present livre est fait, |¹⁷⁴ car, ainsi comme dit monseigneur saint Gregoire : |¹⁷⁵Valde se sollicitat in bono opere qui semper cogitat de extremo fine |¹⁷⁶ « Assez se sollicite et met son estudie en bonne operacion qui tousjours pense a la derniere fin. » |¹⁷⁷ Pourtant que sy bien y pensons et que nous prevoyons en nostre pensee icelle fin, nous porterons plus facilement les douleurs qu’il y fault souffrir, |¹⁷⁸ jouxte ce qui est escript : |¹⁷⁹Fuavi rb]tura si presciantur levius tolerantur |¹⁸⁰ « Si les choses ad venir sont preveues et congneues, ilz en sont plus aysees a souffrir. »

|¹⁸¹ Sed, heu ! rarissime.

|¹⁸² Mais, dit l’acteur, par contemplative admiracion considerant la preparacion que tous saiges crestiens doivent faire a ceste extreme fin, |¹⁸³ helas, aucuns sont qui moult a tart se disposent a ceste derniere fin, cuydans et estimans, par l’instinct du dyable d’enfer dont ilz sont aveugléz, que jamais sy tost ne doyvent mourir, |¹⁸⁴ si que plusieurs, par telle vaine et indeue esperance, sont mors meschantement et indisposéz de leur conscience. |¹⁸⁵ Et, pour tant, aux mallades de quelque malladie doubteuse que ce soit, on ne doit donner esperance de trop facilement retourner a santé, |¹⁸⁶ mais plus tost lui fault donner advertissement de la mort affin qu’il dispose de l’ame et qu’elle ne puisse pas mourir en peché mortel, |¹⁸⁷ car, ainsi que dit le Chancelier de Paris, |¹⁸⁸ Sepe, per talem falsam consolationem et fictam sanitatis confidentiam, certam incurrit homo damnacionem avi va] |¹⁸⁹ « Souvent, par la grande consolacion que les medecins donnent au malade, par une folle confidence qu’il a de recouvrer sa santé corporelle, il est negligent de disposer de son ame et encourt damnacion eternelle. » |¹⁹⁰ Pourtant doivent tous medecins sages et prudens devant toutes choses induyre leurs paciens a ce qui est necessaire pour le salut de l’ame.

¹³¹ Variante de W : de bien mourir
¹³² Note : Aristote, Éthique à Nicomaque, III, 7
¹³⁴ Note : Augustin, De civitate Dei contra paganos, VIII
¹³⁷ Variante de W : grans et petis ; dames et damoiselles – Note : Bernard de Clairvaux, Meditationies devotissimae, III (De dignitate anima)
¹⁴⁴ Note : Aristote, Éthique à Nicomaque, I, VIII
¹⁴⁸ Variante de W : a la passer
¹⁵⁵ Note : Augustin, De civitate Dei contra paganos, VIII
¹⁵⁶ Variante de W : P. est grant le
¹⁵⁹ Note : Bernard de Clairvaux, Meditationies devotissimae, III (De dignitate anima)
¹⁶³ Variante de W : Comme il est ainsi
¹⁶⁴ Note : Référence à Bernard de Clairvaux (parfois à Grégoire I^er) non identifiée.
¹⁷⁰ Variante de W : ceste derreniere fin
¹⁷¹ Variante de W : admonition de faire
¹⁷⁵ Variante de W : la derreniere fin
¹⁷⁹ Note : Roger Bacon, Secretum secretorum, 22, 8
¹⁸¹ Variante de W : carissime
¹⁸⁸ Note : Jean Gerson, Opera Omnia, I, 449