[cii ra]

|⁵⁷⁹ La quarte tentacion dont le dyable tente l’homme en l’article de mort est impacience.

[cii rb] |⁵⁸⁰Quartement tente le dyable l’homme estant en l’article de la mort de impa[cii va]cience pour le faire murmurer contre Dieu. |⁵⁸¹ Et dit, specialement a l’heure que le malade sent de plus grandes douleurs, en luy disant 

: |⁵⁸² « O meschant, comment peulx tu souffrir une si griefve douleur qui est intolerable, qui ne l’as pas desservi, et si te est totalement inutille et sans proufit ! |⁵⁸³ Bien apparest que Dieu t’a relenqui quant en si grande douleur et affliction il te laisse sans reconfort. |⁵⁸⁴ Et, qui plus grevable est, il n’y a aucun qui soit compacient de ta douleur ne qui ayt pitié de toy, qui est contre toute raison. |⁵⁸⁵ Tu dois bien avoir grant despit en ton cuer quant mesme ta femme, tes enfans et prochains successeurs sont ceulx qui en leur pensee desirent et destineroyent voulentiers ta mort, principalement pour avoir ta succession, |⁵⁸⁶ combien que, de bouche et des yeulx plourans, ilz monstrent estre marris, ce qu’ilz ne sont pas. |⁵⁸⁷ Et n’y a cellui, tant beau signe d’amour qu’il te monstre, qui, aprés la separacion de ton ame, voulsist, pour toute ta substance que tu leur delaisses, logier et garder ton corps mort seulement par l’espace d’un jour, |⁵⁸⁸ dont tu dois estre moult courroussé [cii vb] et murmurer en ton cueur qu’il faille que si grande douleur te tiengne sans aucun reconfort. » |⁵⁸⁹ Par telles manieres ou semblables tente le dyable decepvoir le malade par impacience, qui est contre charité, |⁵⁹⁰ par laquelle nous sommes tenus aymer Dieu sur toutes choses et, pour l’amour de luy, pacientement souffrir et endurer toutes aversitéz.

|⁵⁹¹ Nota quod morituris, et cetera.

|⁵⁹² Icy met l’acteur de ce livre ung notable pour nous enseignier de nous disposer a la mort affin que, par impacience et murmure contre Dieu, ne soyons deceus, |⁵⁹³ disant que impacience ne advient point si souvent a ceulx qui meurent par longintude de jours et vieillesse, qui est mort naturelle, come a ceulx qui meurent par mort accidentelle, |⁵⁹⁴ comme de fievres, apostemes, epydemie ou aultre maladie perilleuse qui souventes fois attrappe et prent les plus fors, |⁵⁹⁵ qui de tant qu’ilz ont grant force sont plus agravéz en leurs maladies |⁵⁹⁶ et, par tant, aucunes fois par la vehemence du mal, insanient, forsenent |⁵⁹⁷ et deviennent demoniacles, impaciens et murmurans contre Dieu, |⁵⁹⁸ qui aucunes fois [ciii ra] n’est pas bon signe, car ce peult advenir par faulte de disposicion de conscience et par tentacion de dyable. |⁵⁹⁹ Dont dit saint Hierosme : |⁶⁰⁰ Si quis cum dolore egritudinem vel mortem patitur seu accipit, signum est quod sufficienter Deum non diligit |⁶⁰¹ « Se aucun, dit saint Hierosme, seuffre en douleur et impacientement sa maladie ou reçoit mort en desplaisance et murmure, c’est signe qu’il ne ayme point suffisantement Dieu » |⁶⁰² et, par tant, ne meurt point en vraye charité, |⁶⁰³ car, comme dit saint Pol : |⁶⁰⁴ Caritas paciens est, benigna est |⁶⁰⁵ « Charité est paciente et benigne. » |⁶⁰⁶ Et par ce exorte l’acteur de ce livre a ce disposer en planiere santé, protestant que, |⁶⁰⁷ quelque fantasie qu’on ayt par vehemente maladie, on vueille recepvoir la mort a bon gré et pacientement pour l’amour de Dieu.

[ciii rb] |⁶⁰⁸ Inspiracion et bon advertissement que l’ange donne contre impacience.

[ciii va] |⁶⁰⁹ Au contraire de ce que le dyable a persuadé et dit au malade pour le faire cheoir [ciii vb] en impacience |⁶¹⁰ et ystre hors de l’amour de Dieu par faulte de charité et finablement perdre tous les biens que jamais peult avoir [ciiii ra] fais, l’ange lui donne enseignement au contraire et lui dit : |⁶¹¹ « O homme, oste ton courage de impacience, par laquelle le dyable, avecques toutes ses mortiferes et damnables instigacions, ne quiert autre chose que le detriment et perdicion de ton ame, |⁶¹² car par impacience et murmure l’ame est perdue ainsi comme par pacience elle est possedee. |⁶¹³ Tesmoing saint Gregoire, qui dit : |⁶¹⁴ Regnum celorum nullus mirmirans accipit |⁶¹⁵  ‘Jamais, dit saint Gregoire, celluy qui murmurera contre Dieu ne parviendra au royaulme du ciel.’ |⁶¹⁶ Et pourtant, dit l’ange, mon amy, ne te ennuye pas la grandeur ou prolicité de ta maladie, |⁶¹⁷ laquelle, se bien tu la consideres, tu trouveras petite et legiere au regart de tes malfaictz. |⁶¹⁸ Oultre, celle maladie que Dieu te envoye devant ta mort te peult estre ung purgatoire mais que tu la seuffres pacientement et en dois bien remercier Dieu, |⁶¹⁹ car nous ne le devons pas seulement remercier des choses qu’il nous donne a nostre consolacion mais pareillement de ce que il nous donne a nostre affliction, |⁶²⁰ car, ainsi que dit saint Gregoire : |⁶²¹ Misericorditer Deus temporalem adciiii rb]hibet severitatem ne eternam inferat ulcionem |⁶²²  ‘Dieu par misericorde nous envoye des severitéz et afflictions temporelles affin que pour noz demerites il ne vueille sur nous inferer vengance eternelle.’ |⁶²³ Saint Augustin aussi dit : |⁶²⁴ Domine, hic ure, hic seca ut in eternum michi parcas |⁶²⁵ ‘Sire Dieu, dit monseigneur saint Augustin, brule moy en ce monde icy, trenche moy et decope a ta voulenté affin que eternellement tu me pardonnes.’ |⁶²⁶ Et, pour tant, tribulacions en ce monde ne sont pas a refuser, |⁶²⁷ car, ainsi que dit saint Augustin : |⁶²⁸ Mala que nos hic puniunt ad Deum nos ire compellunt |⁶²⁹  ‘Les maulx et afflictions qui nous pugnissent en ce monde nous compellent et contraignent retourner envers Dieu.’ |⁶³⁰ Oultre, dit l’ange, le salut de l’ame n’est point approuvé a la possession des volentéz de la chair mais plus tost eternelle damnacion, |⁶³¹ ainsi que dit saint Augustin : |⁶³² Signum manifeste damnacionis est beneplacita assequi et a mundo diligi |⁶³³  ‘Signe de manifeste damnacion, c’est acomplir toutes ses coulentéz et estre aimé du monde.’ |⁶³⁴ Dit encor saint Augustin : |⁶³⁵ Mirabile est quod omnibus in eternum damnandis omnes lapides non surgunt in solacium |⁶³⁶ sed magis [ciiii va] mirum est quod omnibus in eternum salvandis omnes lapides non surgunt in periculum |⁶³⁷ ‘C’est, dit saint Augustin, merveille que toutes les pierres du monde ne ce lievent contre ceulx qui doyvent estre damnéz eternellement pour leur donner soulas, |⁶³⁸ mais encore est ce plus grant merveille qu’ilz ne se lievent contre ceulx qui doivent estre eternellement saulvéz pour leur donner tourment.’ |⁶³⁹ Pourtant, dit l’ange au pacient, mon amy, reppelle et regette de toy impacience comme peste venimeuse |⁶⁴⁰ et pren pacience, qui est le ferme escu |⁶⁴¹ par qui sont depelléz et superéz tous les saincts, qui ont esté paciens jusques a la mort. »

|⁶⁴² Nota, cum infirmus sentit, et cetera.

|⁶⁴³ Icy donne l’acteur ung enseignement au pacient tenté de impatience, disant que, toutes fois que le malade se sent tenté, en ce cas, il doit considerer combien impacience est nuisible, |⁶⁴⁴ qui inquiete l’homme et le subvertit de l’amour de Dieu, |⁶⁴⁵ si que l’esperit de Dieu ne peut sur luy reposer, comme il est escript : |⁶⁴⁶ Super quem requiescet spiritus meus [b] nisi super quietum et humilen corde ? |⁶⁴⁷  « Sur qui, dit Nostre Seigneur, reposera mon esperit si n’est sur le pacient paisible et humble de cuer ? ». |⁶⁴⁸ Secondement, il doit considerer que pacience est souverainement necessaire, ainsi que par plusieurs auctoritéz est prouvé. |⁶⁴⁹ Premier, par saint Pol, disant : |⁶⁵⁰ Paciencia vobis necessaria |⁶⁵¹  « Pacience vous est necessaire. » |⁶⁵² Nostre Seigneur aussy l’apreuve, qui dit : |⁶⁵³ Nonne oportuit Cristum pati et ita intrare in gloriam ? |⁶⁵⁴  « Ne a il pas convenu, demande Dieu le Pere, Jesucrist souffrir pacientement la mort et en ceste maniere entrer en sa gloire ? ». |⁶⁵⁵ Saint Gregoire aussi dit : |⁶⁵⁶ Nunquam servari concordia nisi per pacientiam valet |⁶⁵⁷  « Concorde et paix ne peult jamais estre gardee que par pacience. » |⁶⁵⁸ Secondement, pacience est utille pour la conservacion de l’ame, |⁶⁵⁹ dont dist Nostre Seigneur : |⁶⁶⁰ In paciencia vestra possidebitis animas vestras |⁶⁶¹  « En vostre pacience, vous possedés voz ames. » |⁶⁶² Saint Gregoire aussi dit : |⁶⁶³ Majoris meriti est adversa tollerare quam bonis operibus insudare : |⁶⁶⁴ « Chose de plus grant merite est souffrir et porter pacientement [cv ra] ses adversitéz que travaillier son corps jusques a la sueur en faisant autres bonnes euvres. » |⁶⁶⁵ Dit oultre saint Gregoire : |⁶⁶⁶ Sine ferro martyres esse possumus |⁶⁶⁷ si pacientiam in animo veraciter servamus |⁶⁶⁸  « Sans fers et sans tourmens corporelz exteriors, dit saint Gregoire, nous pouons estre martyrs |⁶⁶⁹ si veritablement nous gardons pacience en noz cueurs. » |⁶⁷⁰ Salomon aussi dit : |⁶⁷¹ Melior est paciens viro forti |⁶⁷²  et qui dominatur animo suo expugnare urbium |⁶⁷³  « Meilleur est un homme pacient que ung homme fort de vertu corporelle |⁶⁷⁴  et cellui qui a puissance de dominer sur son couraige qu’il en soit ireux plus que celluy qui est expugnateur de citéz. »

⁵⁷⁹ Note : Une illustration pleine page, seules les quatre dernières lignes sont occupées par le texte sur deux colonnes.
⁵⁸⁶ Variante de W : ilz (aprés plourans) mq. ; accidentalle
⁵⁹⁶ Variante de W : deviennent folz demoniacles
⁵⁹⁸ Variante de W : qui par aucunes
⁶⁰⁰ Note : Jérôme (parfois attribué à Jean)
⁶⁰⁴ Note : Paul, Première Épitre aux Corinthiens, 13, 4
⁶¹⁰ Variante de W : et yssir hors : Dieu nostre createur par deffaulte de ; au (aprés enseignement) mq.
⁶¹³ Note : Grégoire I^er, Homeliae in Evangelia, XIX
⁶¹⁶ Variante de W : tu le consideres
⁶²¹ Note : Grégoire I^er, Epistula ad Marcellum, V
⁶²⁴ Note : Augustin, Enarrationes in Psalmos, XXXIII, II, 20
⁶²⁸ Note : Grégoire Ier, Moralia in Job, XXVI, 24
⁶³² Variante de W : est (aprés damnationis) mq. – Note : Pseudo-Eusebius Cremonensis, De morte Hieronymi ad Damasum, XXV
⁶³⁴ Variante de W : Augustin mirum est ; mirum est qua omnibus
⁶³⁵ Variante de W : est (aprés damnationis) mq. – Note : Référence à Augustin non identifiée.
⁶³⁷ Leçon non conservée : merveveille – Variante de W : C’est a dire dit ; merveille est que
⁶⁴⁰ Leçon non conservée : sont debellez et
⁶⁴³ Variante de W : est invisible (qui)
⁶⁴⁶ Leçon non conservée : mon espereit si – Note : Esaïe, 66, 1-2
⁶⁴⁹ Note : Paul, Épitre aux Hébreux, 10, 36
⁶⁵³ Note : Luc, 24, 36
⁶⁵⁶ Note : Grégoire I^er, Moralia in Job, XXI, xxi, 33
⁶⁶⁰ Variante de W : vestras et en – Note : Luc, 21, 19
⁶⁶³ Note : Grégoire I^er, Homeliae in Evangelia, II, XXXV, 7
⁶⁶⁵ Variante de W : si (aprés damnationis) mq.
⁶⁶⁶ Note : Grégoire I^er, Homeliae in Evangelia, II, XXXV, 7
⁶⁷¹ Note : Proverbes, 16, 32