[cv rb]

|⁶⁷⁵ La cinquiesme tentacion que le dyable donne au malade en l’article de la mort est de vaine gloire.

[cv va] |⁶⁷⁶Quant finablement le dyable voit qu’il n’a peu faire devier l’homme de la foy ou [cv vb] induire en desperance, avarice ou impacience, |⁶⁷⁷ adonc vient il a lui par une decepcion adulative pour le faire entrer en vaine gloi[cvi ra]re et presumpcion de soy mesmes par complacence de ses faictz, |⁶⁷⁸ en lui disant : |⁶⁷⁹ « O vaillant crestien que tu es, |⁶⁸⁰ considere combien tu as esté constant et ferme en la foy, |⁶⁸¹ fort en esperance envers Dieu, |⁶⁸² charitable et pacient en tous tes fais et combien de euvres meritoires et digne de louenge tu as facites. |⁶⁸³ Bien dois avoir en toy une grande joye et te glorifier, |⁶⁸⁴ car tu n’es pas comme les autres hommes, qui ont perpetré et faict maulx infinis.

|⁶⁸⁵ Toutes fois, pour ung seul gemissement et regard qu’ilz ont eu envers Dieu, ilz ont eu salvacion, |⁶⁸⁶ le quel t’est bien mieulx deu que a eux, |⁶⁸⁷ car tu as tousjours vescu vertueusement et en bonnes euvres, resisté aux vices et tentacions ainsi que ung vaillant chevallier. |⁶⁸⁸ Par quoi tu te dois bien priser et demander a Dieu siege de gloire excellent devant tous autres, |⁶⁸⁹ car de droit il ne te peult estre neyé par tant que tu as tousjours virillement et legitimement bataillé pour la foy de Dieu. » |⁶⁹⁰ En ceste maniere instantement essaye le faulx ennemy a decepvoir l’homme par orgueil spirituel et par arrogance de soy mesmes en se glorifiant en ses propres [cvi rb] faictz.

|⁶⁹¹ Pro quo notandum, et cetera.

|⁶⁹² Icy donne l’acteur ung notable et dit que, pour plusieurs causes, superbieté et vaine gloire est a eviter. |⁶⁹³ Premier, pour tant que par ce l’homme est faict semblable au dyable, |⁶⁹⁴ car, par orgueil tant seullement, fut d’un ange faict ung dyable. |⁶⁹⁵ Secondement, par tant que vaine gloire est une maniere de blapheme, pour ce que l’homme attribue a soy l’honneur qu’il doit attribuer a Dieu. |⁶⁹⁶ Tiercement, pour tant qu’elle fait l’homme damner. |⁶⁹⁷ Comme dit saint Gregoire : |⁶⁹⁸ Reminiscendo quis boni quod gessit, dum se apud se aerigit apud auctorem humilitatis cadit |⁶⁹⁹ « Quant aucun en sa personne se glorifie et eslieve pour aucun bien qu’il a faict, il chiet et est deprimé envers Dieu, qui est aucteur de humilité. » |⁷⁰⁰ Saint Augustin aussi : |⁷⁰¹ Homo, si se justificaverit et de justicia sua presumpserit, cadit |⁷⁰²  « Si l’homme se dit juste et presume de sa justification, il chiet en damnacion. »

[cvi va] |⁷⁰³ Remede et inspiracion de l’ange contre la precedente tentacion.

[cvi vb] |⁷⁰⁴ Pour et affin que le malade labourant a la mort puisse resister a celle derreniere tentacion, [cvii ra] qui est de vaine gloire, |⁷⁰⁵ l’ange qui de lui a la commission lui donne ung bon enseignement et certaine inspiracion pour resister, en disant : |⁷⁰⁶ « O povre pecheur, pour quoy t’enorgueillis tu en attribuant a toy la constance que tu as eue en foy, esperance, pacience et resistence contre avarice, dont la gloire seulement en appartient a Dieu ? |⁷⁰⁷ Comme ainsi soit que de toy tu n’ayes aucune chose de bien ne digne de merite, |⁷⁰⁸ si comme dit Nostre Seigneur : |⁷⁰⁹ Sine me nichil potestis facere |⁷¹⁰  ‘Sans moy, nous ne pouéz riens faire.’ |⁷¹¹ Oultre, il est escript ailleurs : |⁷¹² Non tibi arroges |⁷¹³  ‘Ne te donne point de arrogance’, |⁷¹⁴ Non te jactes |⁷¹⁵  ‘Ne te vante point’, |⁷¹⁶ Non te insollenter extollas |⁷¹⁷  ‘Ne te eslieve point insolentement par orgueil’, |⁷¹⁸ Nichil de te presumas |⁷¹⁹  ‘Ne presume riens de toy’, |⁷²⁰ Nichil boni tibi tribuas |⁷²¹  ‘Ne attribue a toy aucune chose de bien’ », |⁷²² car, dit l’ange : |⁷²³  « Mon amy, tu n’as cause de te exalter mais plus tost de te humilier affin que tu soyes exalté, |⁷²⁴ parce que, dit Nostre Seigneur : |⁷²⁵ Qui se exaltat humiliabitur |⁷²⁶  ‘Qui se exalte sera humilié’. |⁷²⁷ Et, derechief, dit : |⁷²⁸ Nisi efficiamini sicut parvulus iste, non cvii rb] intrabitis in regnum celorum. |⁷²⁹ Dist Nostre Seigneur a ses disciples, monstrant ung enfant innocent : |⁷³⁰  ‘Si vous n’estes fais aussi humbles que ce petit enfant innocent, vous n’entrerez point ou royaulme des cieulx’. |⁷³¹ Et, pourtant, nous devons nous bien humilier pour ce que Dieu a dit : |⁷³² Qui se humiliat exaltabitur |⁷³³  ‘Qui se humilie sera axaulcé.’ |⁷³⁴ Et saint Augustin dit : |⁷³⁵ Si te humilias, Deus descendet ad te. |⁷³⁶ Si te exaltas, Deus recedet a te. |⁷³⁷  ‘Si tu te humilies, Dieu descendra envers toy, |⁷³⁸ mais, si tu te exaltes par vaine gloire, Dieu se depart de toy.’ » |⁷³⁹ Et, pourtant, dit l’ange au malade : |⁷⁴⁰  « Mon amy, oste ta pensee de ce mauldit orgueil |⁷⁴¹ qui fist Lucifer, le plus beau des anges, estre le plus lait et le plus villain de tous les dyables, le getta du hault du ciel jusques au profond d’enfer et qui est cause de tous maulx. |⁷⁴² Comme dit saint Bernard : |⁷⁴³ Initium omnis peccati et causa tocius perdicionis est superbia |⁷⁴⁴  ‘Le commencement de tout peché et cause de totale perdicion est orgueil.’ » |⁷⁴⁵ Pourtant, dit l’ange au malade, oste ce pechié d’orgueil principalement et, sans labeur ou travail, tu vaincras [cvii va] et corrumpras tous autres. »

|⁷⁴⁶ Unde singulariter notandum.

|⁷⁴⁷ Icy met l’acteur de ce present livre son dernier notable touchant ceste derniere inspiracion, |⁷⁴⁸ disant qu’il est singulierement a noter que, quant le malade labourant a la mort se sent estre tenté de vaine gloire et orgueil, il doit premier cogiter en soy mesme |⁷⁴⁹ que orgueil tant desplaist a Dieu que, par l’occasion de ce seulement, il envoya et relega en damnacion eternelle la plus noble des creatures, ce fut Lucifer, avecques tous ses complices et coadherens. |⁷⁵⁰ Pour quoy toute creature qui ne sçayt se elle est digne de la hayne ou de l’amour de Dieu se doit bien humilier |⁷⁵¹ en prenant l’exemple de monseigneur saint Anthoine, au quel le dyable disoit : |⁷⁵² O Anthoni, tu me vicisti. |⁷⁵³ Cum enim volo te exaltare, tu deprimis ; cum te volo deprimere, tu erigis |⁷⁵⁴ « O Anthoine, tu m’as vaincu. |⁷⁵⁵ Quant je te vueil exalter et eslever par vaine gloire, tu te abaisses et humilies. |⁷⁵⁶ Quant je te vueil abaisser et mettre le cuer hors de contemplacion, tu te dresses et lieves plus que devant. » |⁷⁵⁷ Secondement, le malade doit cogiter que humilité tant pleut a [cvii vb] Dieu que, principalement pour l’occasion d’elle, la glorieuse Vierge Marie le conceut et en est exaltee sur toutes les compagnies des anges en la gloire de paradis.

⁶⁷⁶ Note : Une illustration pleine page, seules les quatre dernières lignes sont occupées par le texte sur deux colonnes.
⁶⁹⁰ Variante de W : notandum est et cetera
⁶⁹⁸ Note : Grégoire I^er, Homeliae in Evangelia, IV, 1
⁷⁰¹ Note : Augustin, Enarrationes in Psalmos, XXI, II, 2
⁷⁰⁴ Note : Une illustration pleine page, seules les trois dernières lignes sont occupées par le texte sur deux colonnes.
⁷⁰⁹ Note : Jonas, 15, 5
⁷¹² Note : Isidore de Séville, Synonyma, II, 21
⁷²⁵ Note : Luc, 14, 11
⁷²⁸ Note : Matthieu, 18, 3
⁷³² Note : Matthieu, 23, 12 ; Luc, 18, 14
⁷³⁴ Variante de W : recedet ad te
⁷³⁵ Note : Augustin, Enarrationes in Psalmos, XXXII, II, 23
⁷⁴¹ Variante de W : layt le plus hort et le plus v. ; au parfont
⁷⁴³ Note : Bernard de Clairvaux, Sermones in natali sancti Andreae, II, 7
⁷⁴⁵ Leçon non conservée : orqueil
⁷⁵² Variante de W : vix isti