|²²⁹ Temptation du dyable par impacience.

[biiij r]

|²³⁰ Quartement, le dyable tempte le malade par impacience, que vient souvent par grant maladie, disant : |²³¹ « Pourquoy tu souffres ceste grant doleur que est intolerabile de toute creature et a toy du tout inutile ?|²³² Ne aussi par tes demerites tel douleur par droit ne devroit estre advenu, |²³³ car il est escript |²³⁴ que ‘Es paines le plus benigne interpretation se doit faire’. |²³⁵ Aussi, c’est chose moult griefve que nulz a compassion de toy et que sans raison seuffre tel mal, ja soit ce que les amis faingnent complaindre de bouche. |²³⁶ Toutesfois, principalement pour tes biens que tu leur laisses, du cueur ilz desirent ta mort, |²³⁷ mais, ton ame yssue de ton corps, a grant paine par l’espace d’ung jour, ton avoir a eulx delaissé, veullent auberger ton corps. »

|²³⁸ De telles choses et semblables, a impacience, que est contre charité, |²³⁹ de laquelle sommes tenus Dieu aymer sur toutes choses, le diable se force de traire l’omme affin qu’i perde ces merites. |²⁴⁰ Noter est que aux malades tres grant douleur de corps advient, |²⁴¹ mesmement a eulx que non mourent de mort naturelle, |²⁴² laquelle se fait peu souvent, ainsi comme l’ensegne experience manifeste |²⁴³ mais tres souvent par accident, soyt de feuvres, de postume ou d’aultre maladie griefve, afflictueuse et longue, |²⁴⁴ que aux gens dissoult et mourir seullent. |²⁴⁵ Laquelle maladie plusieurs et, par especial, les plus indispousez a la mort, et en mourant, les fait en tant impatiens et murmurans |²⁴⁶ que tres souvent, par trop de douleur et impacience, semblent devenir hors du sens comme de plusieurs personnes de vray charté, |²⁴⁷ tesmoingz saint Jherome, que dist : |²⁴⁸  « Si aulcuns a douleur trop, et cetera. »

|²⁴⁹ Bonne inspiration par l’ange de pacience.

[bv r] |²⁵⁰ Contre la quarte temptation du diable donne l’ange bonne inspiration, disant : |²⁵¹ « O homme, oste de ton couraige impacience, par laquelle impacience le diable, par ses mortiferes instigations, aultre chose ne quiert que le detriment et perdition de ton ame, |²⁵² car, par impacience et murmuration, l’ame est perdu aussi que, par pacience elle est saulvee, |²⁵³ tesmoingz saint Gregoire, que dit : |²⁵⁴  « Nul murmurant n’entre le royaulme des cieulx. » |²⁵⁵ Pour quoy dont, ceste maladie, la quelle au regard de tes merites est legiere, |²⁵⁶ pourtant qu’elle vient devant ta mort, c’est comme purgatoire quant elle est tolleree et souffrians comme il le convient, |²⁵⁷ c’est assavoir patienment et voluntiers en gratuité, |²⁵⁸ car non seullement besoingz est de gratuité es choses que sont de consolation, |²⁵⁹ mais aussi es choses que sont d’affliction, |²⁶⁰ car, aussi que dit saint Gregoire : |²⁶¹ « Misericordement Dieu baille temporelle maladie affin qu’il ne baille purgatoire eternelle. » |²⁶² Et saint Augustin dist : |²⁶³  « Sire, icy brulle, icy tranche, affin que eternellement tu me pardonnes. » |²⁶⁴ Nulles doncques tribulations te pertroblent, |²⁶⁵ car il monstrent que Jhesucrist ne te veult relinquir, |²⁶⁶ ensuivant ce que escript saint Augustin : |²⁶⁷  « Les maulx que icy nous present nous contraignent d’aller a Dieu. » |²⁶⁸ Et, pourtant, le saulve de l’ame ne se prouve en la complaisance de la chair mais ainçoiz eternelle dampnation. |²⁶⁹ Comme dist saint Augustin : |²⁷⁰  « Signe manifeste de dampnation est d’oubtenir ses plaisirs et estre aymés du monde. » |²⁷¹ Et, derechief, il est dist : |²⁷²  « Merveilles que a tous ceulx qui sont a dampner en enfer tous cailleaux ne s’esbatent en leur soulas, |²⁷³ mais merveilles est que a tous qui sont a saulver eternellement toutes pierres ne sublevent en leur peril. » |²⁷⁴ Oste donc de toy impacience comme venemeuse pestilence et en prennes le tres fort espoir de pacience dont tous les ennemis de l’ame sont facilement superé |²⁷⁵ et regarde Jhesucrist, le tres pacient, et tous les sainctz jusques a la mort. |²⁷⁶ Et note, quant l’enferme se sent temptéz par impacience, premiers, considere quant nuysant est impacience, |²⁷⁷ car, inquietant et perturbant l’enferme, le distourne de Dieu, |²⁷⁸ qui dist : |²⁷⁹  « Sur que repousera mon esperit si non sur le humble et paisible de cueur ?’ |²⁸⁰ Secondement, pense que pacience est bien sollicitement a preserver, premiers [bv v] car elle moult est necessaire, |²⁸¹ dont l’Apostre dit : |²⁸²  « Pacience vous est necessaire. » |²⁸³ Et Nostre Seigneur dist : |²⁸⁴  « Voirement ne falloit il point que Jhesucrist souffrist et aussi entre en sa gloire ? » |²⁸⁵ Et saint Gregoire dit |²⁸⁶  « jamais ne estre gardee concorde que par pacience ». |²⁸⁷ Secondement car elle est tres utile, |²⁸⁸ disant Nostre Seigneur : |²⁸⁹  « En vous pacience possiderés vous ames. » |²⁹⁰ Et saint Gregoire dit : |²⁹¹  « C’est chose de meilleur merite porter adversité que d’entendre et aymer aux bonnes œuvres. » |²⁹² Item le dist saint Gregoire : |²⁹³  « Sans fer pourrons nous estre martirs |²⁹⁴ si vrayement gardons pacience en nostre couraige. » |²⁹⁵ Et Salomon dist : |²⁹⁶  « Le pacient est meilleur que fort homme |²⁹⁷ et qui domine et maistrise son courage que l’expungnateur ou conquestans des villes. »

²²⁹ Leçon non conservée : temptatio
²³⁴ Note : Boniface VIII, De Regulis Juris, regula 49
²³⁵ Leçon non conservée : seurffre
²³⁸ Leçon non conservée : l’omme a impacience affin
²⁴² Leçon non conservée : a. malade g.
²⁴⁵ Leçon non conservée : par espacial le plus
²⁴⁶ Leçon non conservée : et impatient s.
²⁴⁸ Note : Référence à Jérôme (parfois à Jean) partagée par l’ensemble des textes mais non identifiée.
²⁵⁴ Note : Grégoire I^er, Homeliae in Evangelia, XIX
²⁵⁶ Leçon non conservée : est tollera et
²⁵⁷ Leçon non conservée : et (aprés patienment) répété
²⁶¹ Leçon non conservée : maladie aussi qu’il – Note : Grégoire Ier, Epistula ad Marcellum, V
²⁶³ Note : Augustin, Enarrationes in Psalmos, XXXIII, II, 20
²⁶⁷ Note : Grégoire I^er, Moralia in Job, XXVI, 24
²⁶⁹ Leçon non conservée : oubtenir es ses
²⁷⁰ Note : PseudoEusebius Cremonensis, De morte Hieronymi ad Damasum, XXV
²⁷¹ Leçon non conservée : de nchief ; ne scsbaterent leur
²⁷² Note : PseudoEusebius Cremonensis, De morte Hieronymi ad Damasum, XXV
²⁷³ Leçon non conservée : ne subleuement en
²⁷⁴ Leçon non conservée : p. donc t. ; f. separé (et)
²⁷⁶ Leçon non conservée : inquietant ; p. l’enferme et distourne de
²⁸² Note : Paul, Épitre aux Hébreux, 10, 36
²⁸³ Leçon non conservée : Jhesucrist souffert et
²⁸⁴ Note : Grégoire I^er, Homeliae in Evangelia, XIX
²⁸⁵ Leçon non conservée : concorde qui par
²⁸⁶ Note : Grégoire I^er, Moralia in Job, XXI, xxi, 33
²⁸⁷ Leçon non conservée : est trois utile
²⁸⁹ Note : Luc, 21, 19
²⁹¹ Note : Grégoire I^er, Homeliae in Evangelia, II, XXXV, 7
²⁹³ Note : Grégoire Ier, Homeliae in Evangelia, II, XXXV, 7
²⁹⁶ Note : Proverbes, 16, 32