|¹³⁸ La tierce temptacion dyabolicque nommee impatience.

|¹³⁹A cause de la trangression de nostre premier pere, nous fumes subjectz es afflictions corporelles et mesmement a la mort, dont il n’est chose plus angoisseuse a icelle heure. |¹⁴⁰ Comme dit sainct Gregoi[25r]re et le prophete : |¹⁴¹ « Nous sommes en griefz dangier, car l’entendement ne se peult applicquer a faire bien mais ymaigine a la douleur qu’i sent. » |¹⁴² La chair se plainct d’une part, voyant qu’il convient qu’elle se departe de l’ame et estre donnee aux vers. |¹⁴³ Sy aymeroit mieulx non jamais estre nee ou estre morte ou ventre de sa mere, |¹⁴⁴ comme dict Job. |¹⁴⁵ Lors l’ennemy lui mect impatience et abhomination de vertuz au devant, |¹⁴⁶ car, ainsi que nous veons que le corps ne prent saveur en quelque chose temporelle, si ne faict l’ame es choses spirituelles.

|¹⁴⁷ Les amys pensent du corps tant seulement et nully ne pense de l’ame. |¹⁴⁸ Il ne peult endurer que l’on le admonneste de bien faire, a cause des douleurs qu’i sent, et voit que nul n’en faict a son plaisir. |¹⁴⁹ Le parler luy fault, les yeulx se tournent, les vaines se rompent, tant que en son corps n’a lieu en quoy il ne aist douleur. |¹⁵⁰ Pourtant, et chet en impatience, voyant que ses amys le esloignent et ne vueillent faire sa voulenté. |¹⁵¹ Et, par ainsi, demeure tout seul es mains de l’ennemy, dont c’est grant dangier, |¹⁵² car nous voyons que, en santé et en di[25v]sant oraisons, faisant penitence et escoutent la doctrine de Dieu, a peine nous pouvons resister contre l’ennemy. |¹⁵³ Helas, que ferons a ycelle heure ? |¹⁵⁴ L’ennemy dit que Dieu n’est pas juste de faire a l’homme tant de tribulations et qu’i vauldroit mieulx non jamais estre néz, |¹⁵⁵ se luy semble qu’i doibt prendre vengeance de Dieu et de toutes creatures en cuydant recouvrer sa force, |¹⁵⁶ comme il apert en la figure cy devant, folio .ixe., |¹⁵⁷ en laquelle vous poéz veoir comme le malade gecte tout a terre et ne prent en gré service qu’on luy face, dont les parens s’en esbaïssent. |¹⁵⁸ Et tout cecy l’ennemy luy conseille.

|¹⁵⁹ La tierce consolation angelicque, remonstrant patience.

|¹⁶⁰ Selon la doctrine de sainct Pol, |¹⁶¹ les tribulations de ce monde ne sont point dignes d’acquerir la gloire celestielle, |¹⁶² car Dieu est tout puissant et n’a neccessité de nous, dont il nous deust souffire d’estre en sa grace, |¹⁶³ veu que sommes pecheurs et non dignes d’estre exsaulcé. |¹⁶⁴ Nous debvons estre contens d’acquerir sa grace, |¹⁶⁵ comme il dict [26r] a sainct Pol, qui sans peché estoit, lequel plusieurs angoisses souffroit, auquel Dieu dit : |¹⁶⁶ « Souffise toy de ma grace. » |¹⁶⁷ Pourtant remonstre l’ange a la creature patience en remonstrant a ycelluy le grant bien de la nativité et creation de l’ame immortelle et advenement de paradis, |¹⁶⁸ laquelle sans vigueur ne doit estre louee, car il n’est pas digne d’estre loué qui contre l’ennemy n’aura point bataillé. |¹⁶⁹ Si promet Dieu aux patiens la vie eternelle, |¹⁷⁰ comme il appert en la saincte Escripture. |¹⁷¹ Sy nous considerons les vices et pechéz que en nostre temps fait avons, bien pouvons congnoistre que maladie n’est riens au regard de peché, |¹⁷² veu que nous offendons le Createur, lequel de sa grace raisonnable nous a faictz forméz a sa semblance, promectant paradis. |¹⁷³ Et, si nous ne pouvons avoir les biens de ce monde transitoire fors que par douleurs et angoisses, bien debvons soustenir aulcuns tormens pour la gloire eternelle. |¹⁷⁴ Se le corps corruptible ung peu endure mal, il devient immortel et impassible pardurablement pour le mal qu’i soustient en ce monde [26v] present. |¹⁷⁵ Si se doit reconforter la creature, considerant que le Createur pour elle a voulu prendre nature humaine souffrant injures, douleurs, afflictions, |¹⁷⁶ lequel jamais nul mal ne pensa et est mort en la croix patiemment. |¹⁷⁷ Tout ce a enduré |¹⁷⁸ comme il appert en la figure cy devant, folio .xe., |¹⁷⁹ ou l’ange monstre Dieu le Pere tenant fleiche et fouet dessus le malade pour ses pechéz, |¹⁸⁰ lui remonstrant son filz qui jamais ne pecha et touteffois pour nous grans douleurs a soufert, |¹⁸¹ les sainctz martirs lesquelz a tort, pour la foy et honneur du Createur, villainement ont estéz mis a mort en priant Dieu pour les persecuteurs et ont les tormens portéz patiemment, |¹⁸² comme sainct Estienne, sainct Laurens et aultres.

¹⁴¹ Note : Références non identifiées
¹⁴³ Note : Job, 3, 11
¹⁶¹ Note : Paul, Épitre aux Romains, 8, 18.
¹⁶⁶ Note : Paul, Deuxiéme épitre aux Corinthiens, 12, 9.
¹⁶⁸ Leçon non conservée : de sa nativité
¹⁷⁷ Leçon non conservée : endurer