|²⁸⁹ L’angoisse de la mort et cytation diabolicque.

|²⁹⁰Selon que dit l’Apostre, a ceulx qui ayment Dieu toutes finissent en bien. |²⁹¹ Ainsi pareillement, des mauvais la fin est dangereuse, |²⁹² comme dit le Psalmiste, |²⁹³ pourtant que, au trespas, a la creature moult griefve douleur, |²⁹⁴ et [31v] premier quant au corps, laquelle pert toute puissance et beaulté et considere que convient pourrir et estre donné au vers. |²⁹⁵ Lors voit l’ame les dyables qui la cytent et sont prestz pour la devorer, |²⁹⁶ comme dit Ezechiel, ou .viie. chappitre, en disant : |²⁹⁷ « Part dehors, mauvaise ame dampnee. |²⁹⁸ Maintenant, il est heure que tu reçoipves les maulx que tu as desservis pour les pechéz que tu as fait. » |²⁹⁹ Helas, c’est griefve douleur, car la Vierge Marie doubtoit de les veoir a l’heure de la mort. |³⁰⁰ Que debvra doncq faire le pecheur qui oncques ne fist bien en sa vie |³⁰¹ quant il pense as griefves offences qu’il a faictes contre son Createur et va en pays estrange ou jamais il ne fut et ou lieu ou il ne veist oncques devant celluy qu’i tant a courroussé, avec ses ennemys qui l’attendent pour devorer de douleur ?

|³⁰² Il souspire en gectant grans souspirs et sanglotz et renvercent les yeulx affin qu’i ne voyent les maulx qu’il a faict, |³⁰³ lesquelz l’accompaignent pour periller avec luy, et les dyables come lyons [32r] pour manger la povre ame. |³⁰⁴ Comme dict sainct Bernard : |³⁰⁵ « Si telle creature avoit une heure pour faire penitence, voulentiers la feroit, |³⁰⁶ car il a laissé Dieu en sa force et jeunesse et Dieu le laisse en telle destresse. » |³⁰⁷ Pour ce conseillent les docteurs que a icelle heure l’on admonneste les pecheurs de demander la misericorde du Createur, |³⁰⁸ luy remonstrant la passion de Nostre Seigneur que pour nous a souffert en la foy catholicque, |³⁰⁹ car plusieurs fois, a son trespas, la creature se desepere de la misericorde de Dieu, |³¹⁰ comme dit Jheremie, |³¹¹ que a grant peine le juste eschapper pourra et a cause des douleurs qu’i sentira, |³¹² comme nous est demonstré en la figure cy devant, folio .xixe., |³¹³ ou est l’home tenant la chandelle, qui signifie foy, en conseillant le pecheur qui a esperance en son Createur, qui pour luy a voulu mourir en croix, |³¹⁴ es oraisons des sainctz et sainctes priant pour luy Nostre Seigneur d’aultre part, |³¹⁵ dont les anges qui reçoipvent l’ame pour la presenter a Dieu |³¹⁶ et, au dessoubz, grant multitude de dyables qui l’attendent pour devo[r]rer. |³¹⁷ Ainsy se depart l’ame du corps.

²⁹⁰ Note : Paul, Épitre aux Romains, 8, 28
²⁹² Note : Psaumes, 33, 22
²⁹⁴ Leçon non conservée : considere qui c.
²⁹⁷ Note : Ézéchiel, 7, 7
³⁰⁰ Leçon non conservée : pense es griefves ; desservir
³⁰¹ Leçon non conservée : tant as courroussé
³⁰⁴ Leçon non conservée : laisser ; et (aprés jeunesse) mq. : en (aprés laisse) mq.
³⁰⁵ Note : Référence à Bernard de Clairvaux non identifiée
³¹¹ Note : Lamentations, 3, 18
³¹² Leçon non conservée : demonstrer