|³¹⁸ Presentation de l’ame devant Dieu.

|³¹⁹Selon la doctrine des docteurs de la foy chrestienne, Dieu, qui est vray juge, en l’autre monde rendra a ung chascum selon ces euvres, |³²⁰ tesmoing sainct Jehan en son Appocalice. |³²¹ Pourtant convient que l’ame soit presentee devant luy pour recevoir selon sa desserte. |³²² Sy vient l’ennemy de nature humaine, accusateur d’icelle, |³²³ lequel selon sainct Augustin, il nous reprochera les maulx que faict avons et biens que lors devions faire en demandant justice de nous. |³²⁴ Accuseront et nostre conscience qui nous poindra, le bon ange que croire ne l’avons voulu. |³²⁵ Lors demandera Nostre Saulveur Jhesus ou est la robe de innocence que a baptesme nous avons donnee, quel service luy avons faict de ce que pour nous a voulu mourir en la croix.

|³²⁶ Il nous monstrera les playes que pour nous a souffertes. |³²⁷ Les sainctz et sainctes seront encontre nous, disans que a eulx n’avons voulu obeÿr et ne debvons avoir nulle gloire. |³²⁸ Lors dira l’ennemy que debvons estre a luy, |³²⁹ car il a esté dampné par re[33r]bellion et orgueil et l’avons ensuyvi par mauvaise doctrine et euvres. |³³⁰ Si debvons comme luy estre dampnéz. |³³¹ Lors est la pouvre ame toute desolee, demandant confort, et ne le peult trouver, car nul ne prie pour elle et chascum demande vengeance. |³³² Come dit Job : |³³³ « Cy est journee angoisseuse la ou il convient que tous soyons presentez pour recepvoir selon noz euvres. » |³³⁴ Comme il appert en la figure cy apprés, |³³⁵ en laquelle est Dieu monstrant ses playes, estant en chaire ; |³³⁶ au dessoubz, les sainctz qui se plaignent des maulx que fait leur avons ; |³³⁷ et amprés eulx, l’ange qui se plainct de ce que croire ne l’avons voulu ; |³³⁸ au plus bas de l’ame, la teste baissee, plaine de pechéz, attaichee des chaynes de l’ennemy d’enfer, qui est emprés elle et demande justice, disant qu’elle est sienne par droicturiere raison.

³²⁰ Note : Référence non identifiée dans l’Apocalypse, mais l’idée se trouve notamment chez Paul, Épitre aux Romains, 2, 6
³²² Leçon non conservée : biens qui lors
³²³ Note : Augustin, De anima et spiritu, XXVII
³²⁵ Leçon non conservée : nous avont donnee
³²⁸ Leçon non conservée : ensuyvir
³³¹ Note : Job, 34, 1