|³³⁹ Le jugement de l’ame.

34r] |³⁴⁰Aprés la presentation et accusation de l’ame reste a donner la sentence, |³⁴¹ car Dieu, qui est tout juste, ne peult juger fors que selon les merites de la creature, |³⁴² come dit le prophete Ysaÿe. |³⁴³ Et, jaçoit ce que nous attendons le grant Jugement si est de juger ung chascum a son trespas selon l’ame et a l’aultre selon le corps et l’ame ensemble. |³⁴⁴ Et est le Jugement merveilleux, |³⁴⁵ car nul n’en peult appeler, veu que Dieu le Pere a donné toute puissance a son filz, |³⁴⁶ car il ne regarde pas la dignité de la creature sinon les euvres. |³⁴⁷ Et l’on ne peult appaiser pour or ne pour argent ny aussy pour pleurer ne gemir, |³⁴⁸ car a icelle heure y ne sera pas temps de demander misericorde, |³⁴⁹ car il ne sera point, |³⁵⁰ comme dit Ezechiel au .vije. chappitre, |³⁵¹ mais dira : « Ta fin est venue.

|³⁵² Maintenant, je te jugeray selon tes euvres et mectray toutes tes abhominations devant toy et ne te pardonneray point, |³⁵³ car, ainsy que je t’ay appellé, toy estant au monde, tu ne m’as voulu ouyr mais as mesprisé mon conseil. |³⁵⁴ Ainsi tu seras maintenant jugé. » |³⁵⁵ Et, sy l’ame a [34v] esté bonne et aist creu le bon conseil de l’ange cy dessus nommé, elle sera saulvee, |³⁵⁶ mais premier luy conviendra estre purgee des offences, |³⁵⁷ si aucunes en a faictes, ou feu de purgatoire, |³⁵⁸ lequel, comme dit sainct Augustin, est plus merveilleux que tous les tourmens de ce monde. |³⁵⁹ Et puis Dieu luy dira : |³⁶⁰ « Pour ce que toy estant au monde m’as crié mercy en foy et esperance en moy, je vueilz que soye avecq les repentans en paradis logéz. » |³⁶¹ Et aux mauvais dira : |³⁶² « Tu ne m’as pas doubté ne demandé misericorde, ains as ensuy les euvres du dyable sans avoir nul espoir. |³⁶³ Pour ce, avecq eulx je te condapne estre dampnee », |³⁶⁴ comme il apert en la figure cy aprés, |³⁶⁵ en laquelle est Dieu en chaire, entour luy les appostres, en chayre ausy, approuvant sa sentence ; |³⁶⁶ et au dessus est paradis ; |³⁶⁷ au plus bas est enfer |³⁶⁸ et, dessoubz de Nostre Seigneur, est l’ame au costé droit, qui est presentee par le bon ange, a laquelle il est dit : |³⁶⁹Intra in gaudium Domini tui ; |³⁷⁰ et, a la fenestre, est une aultre ame, presentee par les dyables, |³⁷¹ esquelz Dieu dit : |³⁷²Mittite eam in tenebris exteriores, |³⁷³ desquelles nous vueille tenir esloingnés le vray Createur qui nous souffrit mort. |³⁷⁴Amen.

³³⁹ Leçon non conservée : Le j. de l’ame répété en haut de 34r – Note : Suivent 2 lignes laissées en blanc.
³⁴⁰ Note : Une illustration pleine page sur le 33v
³⁵¹ Note : Ézéchiel, 7, 7
³⁵³Leçon non conservée : mespriser
³⁵⁸ Note : Augustin, De Civitate Dei contra paganos, XX, 24
³⁶⁰ Note : Références non identifiées
³⁶¹ Leçon non conservée : demander ; ensuyr
³⁶⁹ Note : Matthieu, 25, 31.
³⁷² Note : Matthieu, 22, 13.
³⁷³ Leçon non conservée : tenir esloingnés mq.