|¹⁶³ [86v] Tercia temptacio dyaboli.

|¹⁶⁴ Tercio dyabolus temptat hominem per impacienciam, que oritur ex magna infirmitate, dicens :

|¹⁶⁵ « O miser homo, cur tu pateris istum dolorem gravissimum qui est intollerabilis omni creature et tibi penitus inutilis ? |¹⁶⁶ Nec etiam tuis exigentibus demeritis dolor tantus jure deveret causari, |¹⁶⁷ nam scriptum est : |¹⁶⁸ In penus est benignior interpretacio facienda. |¹⁶⁹ Eciam, quod multum gravat, nullus tibi compatitur quod contra racionem fieri nemo dubitat. |¹⁷⁰ Licet enim amici tui ore compaciantur, tamen maxime propter bona relinquenda tuam mortem mente desiderant. |¹⁷¹ Anima quidem corpore exuta, vix per unius diei spacium pro omni substancia relicta corpus tuum hospitari volunt. |¹⁷² Et si habuerunt unum vilem pannum tibi tradent pro sepultura. »

|¹⁷³ Hiis et similibus suggestionibus [87r] ad impacienciam, que est contra caritatem, qua tenemur Deum diligere super omnia et proximum sicut nos, nititur dyabolus hominem ducere ut sic merita sua perdat, quia sine caritate nemo potest salvari. |¹⁷⁴ Et ubi est major caritas, ibi est etiam amplior gloria in paradiso.

|¹⁷⁵ Ideo notandum est quod morituris hominibus maximus dolir accidit, et hiis precipue qui non morte maturali, que raro est, |¹⁷⁶ sicut docet experiencia manifesta, sed frequenter ex accidentibus ut puta febre vel apostemate aut alia infirmitate gravi et afflictiva atque longa dissolvuntur. |¹⁷⁷ Que quidem infirmitas plerosque et precipue ad mortem indispositos et invite morientes adeo reddit inpacientes atque murmurantes |¹⁷⁸ ut plerumque ex nimio dolore in inpaciencia amentes atque insensati videantur sicut sepe sum est in multis. |¹⁷⁹ Ex quo vere constat quod tales utique in vera defficiant caritate, |¹⁸⁰ teste [87v] Jeronimo qui ait : |¹⁸¹ Si quis cum dolore, egritudinem vel mortem patitur seu accipit, signum est quod sufficienter Deum non diligit, |¹⁸² nam Quis nos separabit a caritate Dei, tribulacio an angustia an fames an gladius, etc. |¹⁸³ Quasi dicar quod nichil nos debet separare, ymo libenter debemus pro amore Dei omnia sustinere. |¹⁸⁴ Unde dicit Paulus : |¹⁸⁵ Caritas paciens est, benigna est, etc.

|¹⁸⁶ Bona inspiracio angeli.

|¹⁸⁷ Contra terciam temptacionem dyaboli dat angelus bonus bonam inspiracionem dicens :

|¹⁸⁸ « O homo, averte ab inpaciencia animum tuum per quem dyabolus suis mortiferis instigacionibus nichil aliud querit quam anime tue detrimentum, |¹⁸⁹ nam per inpacienciam et murmur anima perditur sicut per pacienciam possidetur, |¹⁹⁰ teste beato Gregorio, qui ait : |¹⁹¹ Regnum celorum nullus mirmirans accipit et qui [88r] accipit mirmirare non poteste. |¹⁹² Et Dominus dicit : |¹⁹³ In paciencia vestra possidebitis animas vestras.

|¹⁹⁴ Non igitur infirmitatis tue, que respectu meritorum tuorum levis est, tedeat, |¹⁹⁵ cum ipsa infirmitas ante mortem sit quoddam purgatorium si tolleretur ut opportet et expedit, |¹⁹⁶ videlicet pacienter et libenter cum gratitudine, quia non solum gratitudine opus est in hiis que sunt ad consolacionem |¹⁹⁷ sed etiam in hiis que sunt ad afflictionem, nam, ut ait beatus Gregorius : |¹⁹⁸ Misericorditer Deus adhibet severitatem temporalem vel eternam inferat ulcionem. |¹⁹⁹ Et Augustinus dicit : |²⁰⁰ Domine, hic ure, hic seca me ut in eternum michi parcas.

|²⁰¹ Nulle ergo tribulaciones te perturbent ymo consolentur qui Christum nolle te relinquere. |²⁰² Ostendunt, juxta illud Augustini : |²⁰³ Mala que nos hic pugniunt ad Deum nos ire compellunt.

|²⁰⁴ Non igitur anime salus aprobatur in carnis [88v] beneplacitis sed pocius eterna dampnacio, |²⁰⁵ juxta illud beati Augustini : |²⁰⁶ Signum manifeste dampnacionis est beneplacita assequi et a mondo diligi. |²⁰⁷ Et iterum : |²⁰⁸ Mirum est quod omnibus in eternum dampnandis omnes lapides non surgunt in solacium |²⁰⁹ sed magis mirum est quod omnibus in eternum salvandis omnes lapides non surgunt in periculum.

|²¹⁰ Repelle ergo a te inpacienciam tanquam pestem violetam et assume pacienciam scutum fortissimum quo omnes inimici anime faciliter superantur |²¹¹ et respice Christum pacientissimum et omnes sanctos usque ad mortem. »

|²¹² Et nota bene quod, quando infirmus sentit se temptati per impacienciam, debet primo quantum nociva sit inpaciencia quia ipsum infirmum inquietando et perturbando a Deo avertit. |²¹³ Unde Dominus ipsemet dicit : |²¹⁴ Super quem requiescet [89r] spirictus meus nisi super quietum et humilem corde ! |²¹⁵ Secundo, considerare debet quod paciencia est solicite servanda propter duo. |²¹⁶ Primo quia est necessaria. |²¹⁷ Unde Paulus : |²¹⁸ Paciencia vobis necessaria est. |²¹⁹ Et Dominus dicit de se ipso : |²²⁰ Nonne opportuit pati Christum et ita intrare in gloriam suam ? |²²¹ Et Gregorius dicit : |²²² Nunquam servari concordia nisi per pacienciam poteste. |²²³ Secundo quia est utilis, unde Dominus dict : |²²⁴ In paciencia vestra possidebitis animas vestras. |²²⁵ Et Gregorius : |²²⁶ Melioris meriti est adversa tollerare quam bonis operibus infundere. |²²⁷ Et alibi : |²²⁸ Sine ferro martires esse possumus si tamen pacienciam in animo veraciter servamus. |²²⁹ Et Salmon : |²³⁰ Melior est paciens viro forti et qui dominatur animo suo expugnatore urbium.

¹⁶⁸ Note : Boniface VIII, De Regulis Juris, regula 49
¹⁷² Leçon du ms. non conservée : villem
¹⁷⁷ Leçon du ms. non conservée : plerisque
¹⁷⁸ Leçon du ms. non conservée : amantes ; incensati
¹⁸¹ Note : Référence à Jérôme partagée par la plupart des versions mais non identifiée.
¹⁸² Note : Paul, Épitre aux Romains, 8, 35-37
¹⁸⁴ Leçon du ms. non conservée : Jeronimo
¹⁸⁵ Note : Paul, 1^re Épitre aux Corinthiens, 13, 4
¹⁹¹ Note : Grégoire I^er, Homeliae in Evangelia, XIX
¹⁹³ Note :Luc, 21, 19
¹⁹⁴ Leçon du ms. non conservée : tuorum verus est
¹⁹⁸ Note : Grégoire I^er, Epistula ad Marcellum, V
¹⁹⁹ Leçon du ms. non conservée : percas
²⁰⁰ Note : Augustin, Enarrationes in Psalmos, XXXIII, II, 20
²⁰² Leçon du ms. non conservée : Augustinum
²⁰³ Note : La citation attribuée à Augustin se trouve en réalité chez Grégoire I^er, Moralia in Job, XXVI, 24
²⁰⁶ Note : Pseudo-Eusebius Cremonensis, De morte Hieronymi ad Damasum, XXV
²⁰⁷ Leçon du ms. non conservée : eternum salvandis omnes
²⁰⁸ Note : Pseudo-Eusebius Cremonensis, De morte Hieronymi ad Damasum, XXV
²¹⁰ Leçon du ms. non conservée : peste
²¹⁴ Note : Esaïe, 66, 1-2
²¹⁸ Note : Paul, Épitre aux Hébreux, 10, 36
²²⁰ Note : Luc, 24, 26
²²² Note : Grégoire I^er, Moralia in Job, XXI, xxi, 33
²²⁴ Note :Luc, 21, 19
²²⁵ Note : Grégoire I^er, Homeliae in Evangelia, II, XXXV, 7
²²⁸ Note : Grégoire I^er, Homeliae in Evangelia, II, XXXV, 7
²²⁹ Leçon du ms. non conservée : p. vero f. et que d.
²³⁰ Note : Proverbes, 16, 32