[12r]

|¹⁴⁰ Temptacio dyaboli de impaciencia.

|¹⁴¹ Tercio, dyabolus tamptat hominem infirmum per impacienciam, que oritur ex magna infirmitate, dicens :

|¹⁴² Cur tu pateris istum dolorem gravissimum qui est intollerabilis omni creature et tibi penitus inutilis ? |¹⁴³ Nec eciam tuis exigentibus demeritis dolor tantus jure deberet causari, |¹⁴⁴ nam scriptum est : |¹⁴⁵ In penis benignior interpretacio facienda. |¹⁴⁶ Eciam, quod multum gravat, nullus tibi compatitur, quod contra omnem racionem fieri nemo dubitat. |¹⁴⁷ Licet autem amici ore compaciantur, tamen maxime propter bona relinquenda tuam mortem mente desiderant. |¹⁴⁸ Anima quidem corpore exuta, vix per unius diei spacium pro omni substancia relicta corpus tuum hospitari volunt.

|¹⁴⁹ Istis et similibus ad impacienciam, que est contra caritatem, qua tenemur Deum diligere super omnia, nititur dyabolus hominem ducere ut sic merita sua perdat. |¹⁵⁰ Nota quod morituris maximus dolor corporis accidit, hiis precipue qui non morte naturali, que raro est, |¹⁵¹ sicut docet experiencia manifesta, sed frequenter ex accidentibus, puta febre vel apostemate vel alia infirmitate gravi et afflictiva atque longa dissolvuntur. |¹⁵² Que quidem infirmitas plerosque et precipue ad mortem indispositos et injuste morientes adeo reddit impacientes atque murmurantes |¹⁵³ ut plerumque ex nimio dolore in impaciencia amentes atque insensati videantur sicut sepe visum est in multis. |¹⁵⁴ Ex quo vere constat quod tales utique in vera deficiant caritate, |¹⁵⁵ teste Jheronimo, qui ait : |¹⁵⁶ Si quis cum dolore egritudinem vel mortem patitur seu accipit, signum est quod sufficienter Deum non diligit. |¹⁵⁷ Et Paulus ait : |¹⁵⁸ Caritas paciens est, benigna est.

[14r] |¹⁵⁹ Bona inspiracio angeli de paciencia.

|¹⁶⁰ Contra terciam temptacionem dyaboli dat angelus bonam inspirationem dicens :

|¹⁶¹ O homo, averte ab impaciencia animum tuum per quam dyabolus suis mortiferis instigationibus nichil aliud quam anime tue detrimentum querit, |¹⁶² nam per impacienciam et murmur anima perditur sicut per pacienciam possidetur, |¹⁶³ teste Gregorio, qui ait : |¹⁶⁴ Regnum celorum nullus murmurans accipit. |¹⁶⁵ Te igitur infirmitatis, que respectu meritorum tuorum levis est, non tedeat, |¹⁶⁶ cum ipsa ante mortem sit quasi quoddam purgatorium cum tolleratur ut oportet, |¹⁶⁷ videlicet patienter et libenter cum gratitudine, quia non solum gratitudine opus est in hiis que sunt ad consolationem |¹⁶⁸ sed eciam que sunt ad afflictionem, |¹⁶⁹ quia, ut Gregorius ait : |¹⁷⁰ Misericorditer Deus temporalem adhibet severitatem ne eternam inferat ulcionem. |¹⁷¹ Et Augustinus : |¹⁷² Domine, hic ure et seca ut in eternum michi parcas. |¹⁷³ Nulle ergo tribulaciones te perturbent quia Christum nolle te relinquere ostendunt juxta illud Augustini : |¹⁷⁴ Mala que nos hic puniunt ad Deum nos ire compellunt. |¹⁷⁵ Non igitur anime salus approbatur in carnis beneplacitis sed potius eterna dampnacio, |¹⁷⁶ juxta illud Augustini : |¹⁷⁷ Signum manifeste dampnationis est beneplacita assequi et a mundo diligi. |¹⁷⁸ Et iterum : |¹⁷⁹ Mirum est quod omnibus in eternum dampnandis omnes lapides non surgunt in colacium |¹⁸⁰ sed magis mirum est quod omnibus in eternum salvandis omnes lapides non surgunt in periculum. |¹⁸¹ Repelle ergo a te impacienciam tamquam pestem virulentam |¹⁸² et assume pacienciam scutum fortissimum quo omnes inimici anime faciliter superantur |¹⁸³ et respice Christum pacientissimum et omnes sanctos usque ad mortem. |¹⁸⁴ Nota, cum infirmus sentit se temptari per impacienciam, consideret primo quam nociva est impaciencia quia ipsum inquietando et perturbando a Deo avertit |¹⁸⁵ quia Dominus dicit : |¹⁸⁶ Super quem requiescet spiritus meus nisi super quietum et humilem corde ? |¹⁸⁷ Secundo consideret quod paciencia est sollicite servanda primo quia est necessaria. |¹⁸⁸ Unde Paulus : |¹⁸⁹ Paciencia est vobis necessaria. |¹⁹⁰ Et Dominus : |¹⁹¹ Nonne oportuit pati Christum et ita intrare in gloriam suam ? |¹⁹² Et Gregorius : |¹⁹³ Nunquam servari concordia nisi per pacienciam valet. |¹⁹⁴ Secundo quia est utilis, unde Dominus : |¹⁹⁵ In paciencia vestra possidebitis animas vestras. |¹⁹⁶ Et Gregorius : |¹⁹⁷ Melioris meriti est adversa tollerare quam bonis operibus insudare. |¹⁹⁸ Idem : |¹⁹⁹ Sine ferro martires esse possumus si pacienciam in animo veraciter servamus. |²⁰⁰ Et Salomon : |²⁰¹ Melior est paciens viro forti et qui dominatur animo suo expugnatore urbium.

¹⁴⁵ Note : Boniface VIII, De Regulis Juris, regula 49.
¹⁴⁸ Variante :  P voluit
¹⁴⁹ Variante : O hominel inducere
¹⁵⁰ Variante : P maximis
¹⁵¹ Variantes : P accidentibus biffé, remplacé dans l’interligne supérieur par trois ou quatre mots biffés et rendus illisibles, remplacés à leur tour, dans la marge de droite, par anterioribus disposicionibus pe[rni]ciosis ; O gravi vel afflictiva
¹⁵³ Leçon non conservée : plerisque – Variante : O plerisque
¹⁵⁶ Note : Référence à Jérôme (parfois à Jean) partagée par la plupart des versions mais non identifiée.
¹⁵⁸ Variante : P est benigna rempacé par etc. – Notes : Paul, Première Épitre aux Corinthiens, 13, 4. – Suit une illustration pleine page au v.
¹⁶⁰ Variante : P per quam dyabolus
¹⁶⁴ Note : Grégoire I^er, Homeliae in Evangelia, XIX.
¹⁶⁹ Variante : P quia mq.
¹⁷⁰ Note : Grégoire I^er, Epistula ad Marcellum, V.
¹⁷² Note : Augustin, Enarrationes in Psalmos, XXXIII, II, 20.
¹⁷⁴ Variante : Augustinus – Note : La citation attribuée à Augustin se trouve en réalité chez Grégoire I^er, Moralia in Job, XXVI, 24.
¹⁷⁶ Leçon non conservée : Augustinus – Variante : Augustinus
¹⁷⁷ Note : Pseudo-Eusebius Cremonensis, De morte Hieronymi ad Damasum, XXV.
¹⁷⁹ Note : Pseudo-Eusebius Cremonensis, De morte Hieronymi ad Damasum, XXV.
¹⁸⁶ Note : Esaïe, 66, 1-2.
¹⁸⁹ Note : Paul, Épitre aux Hébreux, 10, 36. 
¹⁹⁰ Variante : P Christum pati
¹⁹¹ Note : Luc, 24, 26.
¹⁹³ Note : Grégoire I^er, Moralia in Job, XXI, XXI, 33.
¹⁹⁴ Variante : O vestra mq.
¹⁹⁵ Note : Luc, 21, 19.
¹⁹⁶ Variante : P operibus
¹⁹⁷ Note : Grégoire I^er, Homeliae in Evangelia, II, XXXV, 7.
¹⁹⁹ Note : Grégoire I^er, Homeliae in Evangelia, II, XXXV, 7.
²⁰⁰ Variante : P dominator
²⁰¹ Note : Proverbes, 16, 32 – Suit une illustration pleine page au v.